係對上兩星期六，得到WeShare的靚女PR邀請，可以跟出席WeShare與WWF(世界自然基金會)舉辦的育養海岸同遊紅樹林義工活動，其實我未試過做去呢d event，咁有意義，同埋佢又可以帶一個朋友去，咁我就同我先生一同參加了，大家準時早上11:30在九龍塘集合，等齊人後，就準備出發了！ 由於今日可能要濕水，所以大的裝束都係短打，可以濕的鞋為主！ 出發前，咁多位參加者先嚟張大合照先！然後就出發了，其實大家未出發前，已熱到傻咁滞 在車上，由今日為我們帶團的WWF義工朋友(我唔記得咗佢叫咩名)，由於佢著住件熊貓衫，所以我簡稱佢做熊貓先生，為我們簡介一下今天的行程同地點，再講解吓呢個活動係點嚟的！ 『育養海岸計劃』是旨在提高本港各界對海洋問題的關注。鼓勵廣大市民身體力行參與海岸調查及清潔活動等，為保護和持續監測香港極具生態價值的海洋棲息地作出貢獻，從而達至推動海洋保育的目的。 一聽就知道真係好有意義！ 熊貓先生仲叫我們唔好多手，攞走紅樹林內的東西，作留念之用！同唔好留下垃圾！ 由九龍塘座咗大約半小時車程後，就到達了我們今天要到訪的地點：大埔三門仔了！ 大家都好比心機聽熊貓先生的介紹位於大埔的三門仔，擁有豐富的動植物種，包括紅樹林、彈塗魚和招潮蟹。 到正式要認識的地點，紅樹林灘，呢度d風景靚到極點！ 熊貓先生話，而家水退，所以會露咗好多紅樹出嚟，如果水漲的話呢，d紅樹就會比浸咗一半咁滞！ 佢 仲同我地講紅樹林的由來是熱帶至亞熱帶地區河口地帶的其中一個主要的沿岸自然現象，可在一些鬆軟潮濕且滿佈泥濘的「濕地」上找到，是資源最富庶的生態系統 之一。紅樹林是指生長在熱帶地區被陸地包圍的海灣中的植物群落，主要是紅樹科植物，還有其他生長在潮澗帶的喬本和灌叢植物。紅樹林是一種常綠植物的生態群 落，當中包括多個不同科植物，但均擁有類似生理結構和特徵，以適應沿岸高鹽份的生長環境。 紅樹點解會叫紅樹，大家知道嗎？ 係因為它的樹幹，會飾出一些紅色液體，有d人會當紅色顏料咁用，所以就叫佢地做紅樹啦！而紅樹林內的紅樹，係唔止得一種，係有好多種的，呢棵只係其中的一種啫！ 而右手邊，就係佢嘅種花啦，係種籽嚟的 紅樹的根部，堅堅地抓緊泥土內 其他紅樹林內生長的植物，佢地仲有芽tim，有水時，應該可以更豐盛！ 泥灘再行入d，又有咁靚的景色，今日天氣真係超好，影d相都靚d！ 而 紅樹林亦都係一個生境，提供食物鏈的基層動物的食糧和棲息地．腐化的樹葉是低等生物的幼蟲階段的主要食糧，而這些生物又是較高等生物的食物來源．另一方 面，它提供一個庇護棲息處給其他細小生物，如螺，蟹，彈塗魚，蝦，蛤．而這些生物又正是大魚，雀鳥的食糧，一個紅樹林可以支撐著一大群的生物．所以紅樹林 有它的重要生態價值。 其實WWF係唔建議人類進行摸蜆活動的，因會嚴重影響其食物鏈的生態的！ 所以在地上真係經常可見各式各樣的蜆、螺及蠔殼，有時仲見到一大群魚類，係淺水區度游嚟游去呢！ 仲有好多各式各樣的蟹仔呢！ 成個泥灘，除咗以上的生物及景色外，仲可以見到人類隨處拋棄的垃圾，泥頭等！ 人為污染令三門仔的生態環境受到威脅，例如未妥善處理的漁業、家居廢物及建築廢料，亦有附近旅遊熱點遊客遺下的外賣餐具及塑膠瓶等，都會造成海岸污染。 之後我地就分開咗三組，一組負責統計大型垃圾、一組就負責統計小型垃圾，而我們那一組就負責統計泥灘上的生物，統計垃圾的那兩組，真係係泥灘上，執到多不勝收的垃圾，而最後，可循環再造的，分類為一袋，不可循理再造的，則擲進垃圾筒！ 我們各個組員，都好落力咁聽導師教我們如何做和分類及統計它們。 最後，我們共統計有六樣生物，全部都係貝殼類生物及一條蚯蚓！ 今日去完做義工後，鞋都弄髒了，初初諗住唔要，但今日學識咗一樣嘢，就係唔要的東西，盡可能reuse，所以唔好浪費，洗番乾淨，又可以再著過！ WeShare仲每位參加者送咗一個好精美的水樽，好靚喎！ 今次的活動，雖然好熱，熱爆！但好開心，因為加深了『育養海岸計劃』，唔單止識到紅樹林內的保育知識，更讓 我認識到人類對大自然的損害，如果人類再唔減廢，再係咁污染大自然，好快，唔好話冇咗d咁靚嘅景色，連我哋最基本的海洋，都被污染的話，海裡的所有生物食 人類的垃圾、分解物，我們又食番落肚，最終受害的，都會是自己！所以減廢、RECYCLE同REUSE真係好重要，由今天開始，由自己力行，減少浪費，有用的東西再循環使用或贈予有需要人士不失為一個減少浪費的好方法！ 如果大家都想知多D『育養海岸計劃』的話，可以去WWF的如下網址睇睇： http://coastalwatch.hk/home/
