今次篇文好長啊，因為太多嘢要講，等大家有定心理準備先！ 我 之前都有講過，不嬲都對，DIY護膚品好有興趣，因為覺得間唔中要對自己皮膚好d，要比肌膚試吓d真係無添加的護膚品，而近呢幾星期的星期五，Kylie 老師都有攪不同課題的香薰天然護膚品DIY工作坊，其實我全部都好想apply，但無耐地，我唔得閒，只有上星期嗰堂可以得閒上到，所以只好能apply 上星期嗰堂，我一早已同 Kylie老師報名留位，係出面學嘢，通常都要您先pay作留位費，但老師出奇地，叫我上課先比錢，其實我想同老師講，佢呢個方法唔得，咁樣好易比人揾 笨，因為如果d人留咗位，又唔嚟的話，豈不是白白浪費了老師一個位。 不過我呢個歪念，到我嗰日上堂時，就知道了，原來Kylie老師係講個"信"字，同埋原來全部學生，都係相熟的，老師每一個名都記得，好嘢！勁！唔怪得Kylie老師可以咁放心，而學生們都對Kylie老師好好喎！ 先介紹一下Kylie老師係邊個先，佢係一個擁有國際認可IFPA註冊專業香薰治療師及國際認可IFPA註冊專業香薰治療導師，而我係係之前在weshare的event時認識她的！ 當日一去到，已放滿咗好多"架餐"係度，不同類型的香薰油及花水，一定走唔甩啦 大家傾咗一陣間計，好快就開動了，今天Kylie老師會教我哋做3種護膚品，包括： 首先，我們先做的是"水凝緊緻睡眠面膜" 1. 先預備一個20g的深色瓶子 (由於有香薰精油的關係，多數建議用深色瓶子來承載) 2. 蘆薈凝膠Aloe vera gel 約10g (Kylie老師已多次叫我們，不要買有顏色的蘆薈凝膠，要揀選透明狀的) ~ 具良好的補濕及消炎作用 3. 玫瑰花水Rose Water約5ml ~ 具良好的保濕成份，含0.02%玫瑰精油，具亮白及緊緻特性 (如皮膚屬敏感性肌膚的話，可用洋甘菊花水代替玫瑰花水) 4. 維他命B5或其他萃取約1g 其他萃取功效如下： - 長春滕萃取：可收緊肌膚 - 海草萃取：可保濕 - 甘草/甘根萃取：可亮白、抗敏和保濕 - 桑白皮萃取：可美白和亮白 - 玻尿酸 補充一下，如step 4要用維他命B5的話，請先用花水加維他命B5攪勻，才再混合其他材料，如果唔係維他命B5會一嚿嚿的！ 由於我想要個sleeping mask係亮白同保濕多d，所以我step 4，揀咗用甘根萃取，將2及3的材料全部溝埋，混勻即可 之後再加入如下混合，攪勻 玫瑰果油Rose hip oil約1.25ml ~ 能柔軟肌膚、抗皺、美白、癒合疤痕、促進細胞組織再生，同時含45%亞麻仁油酸，是皮膚細胞合成時的必須脂肪酸，對老化或疤痕皮膚尤其有效 仲要可埋如下三隻香薰油(每款各一滴即可)，再混合，就攪掂： - 永久花 Immortelle (Helichrysum angustifolia) 大家可能唔知呢樣係咩，但一講另外一個學名，我諗大家即刻知係咩，佢另一個名叫"蠟菊"，係咪一講，即知呢，原來呢隻香薰油有細胞再生功效，能令皮膚亮白有光澤，對幼紋、痕痕組織有特別幫助，對發炎皮膚也具消炎特性。 - 檸檬 Lemon (Citrus limon) 可去除老死細胞，使暗沉的膚色明亮，緊實微血管，促進膠原旦白增生，能美白、軟化結痕組織及預防指甲龜裂 - 葡萄柚 Grapefruit (Citrus paradisi) 又名西柚，能刺激淋巴系列，排毒利尿，治療水腫及蜂窩組織炎，有緊緻皮膚作用 我嘅"水凝緊緻睡眠面膜"大功告成！ 最後比多個提議大家，其實呢個sleeping mask，仲可以改良作一個居家必備的萬用膏，就係唔加4同埋以上三種香薰精油，將以上的香薰精油，改為用薰衣草、德國洋甘菊同羅馬洋甘菊各一滴，呢個配方連濕疹同皮膚敏感者亦適用的！ 第二樣再整的，就是女人最愛，V煞必備"瘦臉排毒按摩油" 首先介紹吓材料先： 1. 預備一個10ml的深色容器 2. 澳洲胡桃油約5ml ~ 與可可巴油相似，脂質與人體皮脂非常接近，能被皮膚快速吸收，質地清爽，但同時又具備良好的保濕效果 我滴咗少少上手試，推開咗後，又真係幾保濕，但堅唔笠喎！ 如果嫌胡桃油貴，可用可可巴油的，兩者都係保濕同皮脂接近的！但可可巴油，就冇胡桃油咁薄身，可能會厚少少，但用係臉，用貴d同唔係咁厚會好d！因為其實用係臉都幾討厭太笠！ 3. 玫瑰果油5ml 4. 如下兩種香薰精油各一滴： - 旁波天竺葵 Geranium Bourbon (Pelargonium graveolens) 平衡油脂分泌，對鬆弛、毛孔阻塞及油性皮膚有卓越的效果，是全面性的潔膚油。亦能促進血液循環，使皮膚紅潤有活力 - 絲柏 Cypress (Cupressus sempervirens) 可收斂排脂線、利尿，並可除濕氣，能解決水腫問題，對治療靜脈曲張效果佳 其實呢個瘦臉排毒按摩油制法相當簡單，只要將所有油續一倒入容器中，搖勻，即可！ 其實呢隻油都可以整一個body版本，但要將澳洲胡桃油改為甜杏仁油，因為甜杏仁油比澳洲胡桃油更滋潤。 跟住整埋第三樣"乳木果滋潤護手霜"，材料如下： 1. 先將純橄欖乳化蠟約1.5g及蜜蠟0.5g加在容器上，由於會煲煮容器，所以最好用可受熱器皿 2. 之後加入可可巴油Jojoba oil約3ml ~ 是一種液體蠟，不能食用，其化學結構被證實與人體油脂最接近，亦最易被皮膚吸收。具良好的滲透性及穩定性，能預防皺紋、軟化皮膚，常添加在護膚品中。可可巴油仲有一樣嘢好，就是同時能治療發炎皮膚和濕疹。 3. 再加入維他命E油約0.5ml ~ 可以保護皮膚細胞，具有保濕及抗氧化作用，但不要使用過量喎，如過量的話會比較有黏膩感。 4. 然後再加入硬脂酸約0.2g (用於令cream更滑) 5. 再加入乳木果油Shea butter約5ml ~ 含有三萜烯醇，有鎖水補濕的特性，令皮膚柔順有光澤，能避免皺紋的產生，對乾性皮膚特別有效。 攪勻，待熱煲煮 跟住就用另一個器皿，將玫瑰花水約18ml + 維他命B5約1g，混合埋攪勻，變液體，待熱煲煮 先熱煲煮可可巴油成份那一器皿，邊煮邊攪勻，待全部材料溶掉後，再煮花水那一份，待出煙即可 然後就將花水那一份，混入可可巴油那一份，不停攪拌，至cream狀即可！ 然後就再將cream倒入30g的深色容器內，再加入如下三種香薰精油，攪勻即可： - 安息香 Benzoin (Styrax benzoin) x 1滴 對龜裂，乾燥皮膚很有用，能使皮膚恢復彈性，另外對凍瘡，皮膚潰傷快有療效，常加入護手霜中 - 玫瑰草 Palmarosa (cymbopogon martini) x 2滴 保濕效果不錯，對乾燥皮膚，老化皮膚及皺紋均有效用，能撫平焦躁情緒，放鬆安眠 - 薰衣草 Lavender (Lavandula angustifolia) x 3滴 能平衡油脂分泌，具消炎抗菌特性，能促進皮膚增新，幫助傷口癒合，對暗瘡、面皰、濕疹及疤痕尤其有效 由於已上三種DIY產品都不含防腐劑，所以最好都在一個月內用完！ 我嗰晚返到屋企，就急不及待地試用我的制成品 先用瘦臉排毒按摩油，為臉部作按摩一下先！ 今日Kylie老師仲教咗我哋一套手法，用呢支油按摩，就更加市半功倍！ 先取適量按摩油，在手掌捽勻，至微暖 臉部按摩位置就分5 part做，老師話額頭可以按，可以唔按，如按呢，就係眉心向外推，但切記不要向上拉，會好易有皺紋的！ 先在耳前耳後位置，向前打圈約10-15次，作叫醒淋巴用 之後就做臉珠啦，分兩part，一個就蘋果肌上，一個就蘋果肌下﹐都係由鼻位置向耳仔位置向外輕力拉，各做10-15次 然後就下巴對上位置，又係由鼻位置向耳仔位置輕力向外拉10-15次 再之後就做双下巴，一隻手向上推由下巴至耳仔位置，另一隻手，又係咁，由下巴推向耳後位置10-15次 最後就由耳後，向下推至鎖骨位置10-15次，再重新做番在耳前耳後位置，向前打圈10-15次，即完成！ 做完一邊臉，明顯收緊咗，真係唔笠喎，記住按完臉d油唔好抺走，因為佢有好好的保濕同滋潤作用的！ 之後梗係唔好浪費，敷埋個"水凝緊緻睡眠面膜"，先瞓啦！ 呢個mask Kylie老師話，必定要厚敷，如果怕整污漕枕頭，可以在枕頭上加埋紗巾 第二朝起身，已經吸收曬啦，幾白淨同有光澤，膚色勁健康呢！ 臨瞓前，仲試埋隻" 乳木果滋潤護手霜"呢！隻質地超好，雖然好似好杰身咁，但一d都唔係難推開嗰隻，好易推開，其實我平時係嗰d勁多手汗的人嚟的，但用完呢隻DIY handcream之後又冇喎，佢嗰隻天然的香味真係好舒服，好適合晚上使用，更可以幫助安睡！用完隻手有光澤咗幾多！Kylie老師仲教我哋，如果日間 用，覺得太笠的話，可以輕輕咁掃落髮尾，當髮尾油用呢！真係一物二用！ 其實DIY護膚品好處多多，除咗天然的色香味外，仲真係堅不含防腐劑及一切有害物料！ 我亦都唔介意將呢d好嘢公諸於世的！ Kylie老師會不定期開班教大家做一些香薰天然護膚品的(包括大人同BB都有的！)，如果大家有興趣，就多d留意佢facebook啦：https://www.facebook.com/kayee.kylie
