近呢幾年，我好喜愛曲髮造型，因為貪佢早上求期洗濕個頭，再揾d曲髮gel攪一攪佢，就可以好快咁出到門口，但我都仲想揾個再懶d嘅方法，最好可以連頭都唔駛濕，比我瞓多幾個字，之後就可以直接係乾髮度，整d曲髮gel，但效果都要好似濕咗咁挺同咁卷，先為至係好嘢！ 近排就有機可以試吓Liese彈性曲髮造型啫喱，因為佢寫明係可以用於乾髮上的！實在太好了，可以慳番d濕頭時間，瞓多陣！ 個外型唔錯喎，幾討好！ 產品簡介：彈性曲髮造型啫喱瞬間回復秀髮明顯捲曲感，為曲髮賦予彈性，勾劃細緻波浪線條，突顯曲線豐盈美感﹗輕爽無重造型技術，清爽無重不黏膩，使用前無需濕髮，直接塗抹於乾髮上亦不繃硬，淡淡花果幽香，輕易塑出豐盈富彈性曲髮。 使用方法：取適量啫喱於掌心輕輕搓揉，用手握揉曲髮，使整體彈性捲曲感提升，再以指尖拉鬆波浪線條以突顯豐盈曲線。 吱出嚟，幾GEL狀的，少少的花香味，呢度大約一個5蚊銀的份量，再係掌心輕輕捽散，再在頭髮中段開始向上握揉，不出15秒，已攪掂好一邊嘅頭髮，仲要唔笠！ 我 呢個頭係上年聖誕前電的，所以已經唔係好曲了，所以個效果冇賣廣告個model咁出，但用了的一邊真係較為彈及好自然咁拱起，而未用的一邊，則較為扁塌， 冇厘生氣咁，我至鐘意佢真係好快手，真係1分鐘左右，已攪掂成個頭，用完仲要唔笠，因為其實我唔係太鐘意咁wet look的！而呢個彈度，仲可以keep到成日，都冇扁塌番落嚟！真係值得一讚，等遲d天氣涼番少少，又可以去電番卷個頭，到時應該可以有model咁卷 了！
