呢排好有興趣攪d DIY的小玩意，咁啱上星期玩開面書，見到PURE Beauty攪咗個DIY Skincare 花茶分享會 -- 大家一齊做護膚品 (第二班）@ 美白淡斑精華20ml，咁就自費報嚟學吓！ 同大家介紹一下PURE Beauty先，佢係一間Fresh Made SkinCare，所有SkinCare都由國際認可IFPA註册專業香療治療師創立, 透過香薰治療改善: 暗瘡 , 濕疹, 懷孕保養, 抗衰老等問題。 而PURE Beauty現時有2間分店：位於銅鑼灣solo tower和觀塘駱駝漆大廈3期 當日一去到，一去到佢個門口，已經比個門口吸引咗，勁有法國田園feel，好舒服！ 裡面呢，設計好簡單，但就勁有住家感覺，好親切同好舒服。 座在梳化一邊的，正是兩位觀塘店店主(Apple & Belle)，正耐心地解答客人的問題 飾櫃內放了不同PURE Beauty的自家制的護膚品、化妝品及代理產品 當然少不了皇牌產品：Pure美白Set、有機紅薏仁雪耳美白精華水和藍銅胜肽精華 邊個話小朋友唔駛搽防曬呢？而家d紫外線有害指數咁高，小朋友都好需要搽防曬，所以PURE Beauty亦出咗新品：SPF50 小朋友防曬護理，治療師仲細心到添加防蚊配方！ 我同一個女仔好早就到咗，座咗係度，咁大家就傾吓計，原來佢係用緊Pure Beauty的產品的，佢話未用前皮膚係好差的，暗瘡超多，但我話，咦，您唔似喎，佢話用咗Pure Beauty的產品後，好明顯好咗好多了！ 我哋傾咗一陣，花茶會就開始，今日幾好，小班教學咁。Apple及Belle，以2對6。原來6個人裡面，除咗我，其他5人都係用佢d產品的！估唔到啊！ 話明今日係花茶會，當然少不了花茶啦，今日Pure Beauty為我們預備了三款花茶： 左起是：Organic Life的有機肉桂減肥茶 (補充氣血不足 改善手足冰冷 身體較虛的狀況) 中間則是：Organic Life的有機南非養生茶 (調理體內，作養生之用) 而最右的是：Organic Life的有機洋甘菊茶 (有放鬆和幫助入睡。亦可作茶底之用，加入其他花茶) 三隻花茶都係純天然，所以絶不含咖啡因，所以可以放心飲用 三隻味我都試勻曬，好易入口，而我就最鐘意有機肉桂減肥茶，因為本身的個人比較虛。 然後我們就開始邊飲邊傾邊學了 首先，講講今日DIY美白淡斑精華的用料先： 1. 15ml 益母草濃縮液 而根據本草綱目記載，益母草有很好的美容治療作用，據記載，慈禧太后亦愛用益母草作臉膜作美容之用。 益母草可在中藥店或藥材舖買，放在水內煲大約20分鐘，撈起隔渣，汁液再用大火煲至濃縮即可。 其實益母草煲完出嚟，個味勁似涼茶，Belle話佢益母草本性都係涼，所以真係可以飲，作涼茶之用。 2. 半茶匙 維他命E (可抗氧化) Belle話可在City Super買到，一隻叫Jason牌子的 將半茶匙的維他命E原液，加進15ml的益母草濃縮液內攪勻 3. 1至2茶匙 純透明質酸原液 (可保濕) 再加入已加入維他命E的益母草濃縮液內，攪勻即可 d純透明質酸原液滴咗落手度，勁水潤囉，但最估唔到，吸收咗後，一d都唔笠！仲好爽tim！ 點樣為止得呢，就係滴落手，有適當的黏度(唔係好似水咁)，即可！ 滴咗少少落隻手套試，又幾易推同好水，吸收曬後完全唔笠！ 但記住由於成份係全天然，冇加防腐劑，所以返到屋企要放進雪櫃，仲要3星期內用完 我初初以為一嚟就開波，點知原來今日好似girls talk咁，好輕鬆，Apple同Belle仲好好，教我們生理期的食療保養，我個人覺得都好有用，其實我每次嚟M，尤其係第一日，都痛到剩番半條人命，希望跟咗佢呢個食療後，會有所改善吧！ 同大家分享吓，如下： 1. 嚟前3日，開始飲黑糖薑茶，為嚟M打好底子，唔駛在嚟M的日子咁寒咁辛苦 2. 頭1至3日，減鹽食量，為免水腫 3. 第4至5日，開始補鐵質，因流得太多血啦 4. 第6至7日，飲d含有黑木耳成份的飲料，可消子宮內的瘀血，預防朱古力瘤形成 Apple話可以係嗰d賣有機嘢的舖頭度揾吓 5. 完結後，可飲豆漿，含有異黃酮素，可補充女性荷爾蒙 Apple話，如果有d人會自制豆漿的話，記住d豆渣唔好唔要啊，豆渣都好有美容價值的，可以用嚟當mask敷臉，或作身體磨砂用，用後肌膚又白又滑的！ 其實Pure Beauty除咗做生意外，佢地都好慷慨教大家一d DIY面膜及養生的食療，仲周不時係facebook攪吓活動tim，想知多d更多Pure Beauty的資料，可以去佢地Facebook或者Youtube度睇，： Pure Beauty Facebook: https://www.facebook.com/startfromnatural?fref=ts Pure Beauty Channel - http://www.youtube.com/channel/UC7dw7S4HRUXBFL06A4dUwFg 後記： 我返到屋企沖完涼，即刻攞支淡斑美白精華嚟倒在棉花上當mask敷，不過咁樣用，已經冇咗半支了 敷完之後，唔好講笑，比平時用開的功能mask，效果更好，可能天然成份，皮膚都吸得好d，真係即时有光澤同有彈性，仲亮麗了不少，肌膚好似瞓醒一覺咁，好醒神同水嫩！ 好嘢，咁易整，可以用曬後，又再自己diy了！今日竟然仲比我買到新鮮益母草呢！超平，呢度只係6蚊，係街市賣中式新鮮草藥店買到！
