話說我不嬲皮膚都唔錯, 但由9月份開始, 面上無啦啦多左好多暗粒, 我係忍不到手的女人, 見面上暗粒令皮膚不平滑, 就不停的擠, 最後當然…..變成了暗瘡…..暗瘡又不停重生, 留下的暗瘡印就更難去>_< 最後到了忍無可忍的地步, 重新踏上我的護膚之路...... 第一: 了解自己為什麼皮膚變差 我發覺有一段時間化妝前無用BASE (第一死罪!!!!!) 懶 (第二死罪!!!!) 由於工作及應酬增多, 差唔多2星期先FULL一次MASK……無用精華, 有時面霜都懶用, 令面部水份唔夠而出暗粒 落妝洗面唔夠乾淨 (第三死罪!!!!!) 用Bioderma 落妝水後用洗面奶洗一次, 但原來是不夠的 你看...這是用Bioderma落妝後正在用洗面奶時效果, 仲係超dirty的!! 就係因為以上幾個原因, 皮膚變到超差了>_< 第二: 找出解決方便 首先, 落妝用Bioderma一次, 洗面奶一次, 再用麥皮加醋洗面, 麥皮有吸油脂及去角質的作用, 醋是有消炎美白的作用啦, 當然秋冬的時候就不可以經常用麥皮洗面, 出暗瘡時連用3-5天左右吧, 皮膚好返後大約2星期用一次就夠了。 用呢個份量就夠了~放在手心加少少暖水, 好似平時整即食麥皮1分鐘的時間, 麥皮就會開始林, 林左就可以加少少溝左水的醋, 就可以上面了 麥皮加醋洗面後可能會有少少DRY, 可用補濕MASK, 我會用NO CHEMICAL既花水整濕化妝棉 FULL上面 呢隻花水是從網上訂的, 已用了幾支~但仲忍不住回購, 身邊好多朋友用完都話正, 夠保濕, 我會當TONER同MASK用, 大約$150/200ml, 比市面上什麼大brand的抵好多, 是由一位香港人整home made skin care 既公司訂返黎, 但花水佢就由澳洲入口, 因為花水的製作過程複雜, 但我可以肯定佢係no chemical全天然成份及無防腐劑的, 因為我放入口是甜甜的, 有chemical的花水是有點苦的!! (有興趣可留言俾我介紹你找佢買啊~) 之後用上超補水的Phyto-C B5 GEL, 冬天我最愛佢~!!^^再用低油份既CREAM, 我選了ilcsi 的rose petal whip moisturizer (又是全天然成份的, 即將會為呢個BRAND既PRODUCT寫BLOG!!!) **由於暗粒暗瘡皮膚不能再受刺激了, 所以導出導入機都是暫時不合適的 **最好是用NO CHEMICAL的護膚品, 因為化學品會刺激皮膚 **太高油份既面霜不能用, 但又一定要有少少油份, 用作鎖水 **太高營養的不能用, 面上已經夠多粒粒了, 不用再給營養養大佢 總之呢段時間要的是…..水份!!水份!!!!!水份!!!!!!!!!!!!!!!!!!!!!!!!!!!!!!!!!! 大約5天後我的皮膚好轉了, 所以沒用麥皮加醋, 因為麥皮加醋是不可以長期用的, 會超DRY 轉用左呢隻神奇mask, 意大利出品, 只重點厚full暗瘡同暗瘡印的位置 泥狀的質地, 剛查落面度可能會有D "拿拿地", 好強的消炎作用 控油去印消炎mask, 由於佢係for油性皮膚用, 所以我唔會全面full, 只重點full有問題皮膚, 呢個mask真係不得了!!去印同去暗瘡效果一流, 請看下圖成份!! 這14天裡還間中用了有機認證的VC Organic玫瑰果油輕按面部, 只可輕按啊!!!不可按摩啊!!!!!!!!否則粒粒又會出黎啦!!!!!! 好~~大約14天左右的效果, 請看看~!!! 登登登登!!!!!!!!!!!!!!!!!!!!!!!!! 登登登登!!!!!!額頭上化妝都遮唔住的印差唔多去晒了!!!!!!!!!! 我今次醫好皮膚用的skin care product 好多都係天然成份的, 所以需要較長時間先有會明顯效果, 真係要俾多d時間同心機啊~!所以話~世人只有懶女人, 無醜女人呢~^^經過今次慘痛經歷, 我以後會好好對自己的皮膚了>_<
