上次提到我膽粗粗走去網上預約BODI:K教練，網上填好聯絡資料之後，過左3日，教練Chris就聯絡我喇。BODI:K係香港有兩間健身中心，分別係紅墈同埋灣仔，兩間都近地鐵站，我選擇左灣仔分店，比較近我屋企嘛。 健身中心係棟住宅大廈入面，私隱度好高。教練Chris要落樓下大堂帶我上去，佢首先帶我參觀健身中心。地方雖然唔算好大，但設備都好齊，光猛乾淨。我最討厭去健身室因為通常都有陣汗臭味=.= ，以前試過去細間既健身室係有藥酒味囉！環境乾淨對女仔黎講好重要架！ 參觀完喇，我心諗Next Step實係傾Plan喇 (以前去P記C記的經驗，實係講到你唔運動會殘廢會死你個Body有幾差.....下刪一萬字)。教練Chris第一句居然唔係講你唔運動就會點點點你個身體有幾差之類既野，佢問我點解會對BODI:K有興趣，平時做開邊種運動，飲食方面係點樣，目標係咩等等，好有耐性，最緊要既唔會好似之前既大型連鎖健身中心咁一黎就Sell你30幾萬10年約會籍。佢聽完我講之後，立即比左少少建議我。我跳Funky Dance同泰拳以經有一段時間，但體重、脂肪率同肌肉都無改變過，佢建議我集中練習負重訓練。飲食方面，建議我慢慢減少澱粉質，增加蛋白質份量。教練Chris話其實佢地唔會規定每個客人都要買幾多幾多堂，亦都唔會叫人Join幾多年會籍呢樣野，因為每個人需要同體質都唔一樣，想達到既目標都唔同。聽完佢既分析同埋意見，我覺得可以一試，靠自己運動已經一段時間體重都無明顯改變，不如試下搵佢地幫下手！ 下次同大家講下第一次上堂係點喇！ 題外話，我極度鍾意睇動漫，頭先傾計過程中，發現教練Chris原來以前做過「打工吧！魔王大人」呢套動漫入面既男主角「魔王大人」既「香港版聲優」，有機會同魔王大人會面，仲要傾左咁耐！真係我既榮幸呀！
