其實......The Division (或者其他類似既Game喇)，都可以玩得好浪漫。 近排呢隻Game真系好多人玩，身邊唔少人直情特登走去買部PS4為左玩呢隻Game。當男人們有新玩具的時候，女人們就會有「少少」意見喇，身邊總會有姐妹話：唉，呀XX (請自行寫上你男人的名字) 今晚又要去拯救紐約喇...... 自從我玩左呢隻Game，愛情、親情同友情都有「加乘」效果wor (老公、細佬同朋友們都有玩嘛) 現實入面，我都算系都好照顧到自己喇，老公可以唔洗點take care我，但系呢隻Game真系提供左好多機會比佢好好take care我 ^.^ 我無咩方向感，所以系Game入面經常迷路，呢個時候？跟實老公行喇！老公會睇埋前面有無敵人，有既話，佢會話：你留系呢度先安全D！ 自從可以交換裝備，老公就將最強既裝備比曬我喇，驚我好快死wor！巧滾動！ 通常我狗衝果陣好快被敵人打死，呢個時候大叫：救我呀！ 老公就會出現射低曬敵人喇！巧Man呀！ 然後就會出現現實中永遠唔會出現既對話： 我唔得喇！你唔好黎救我，你走先喇！ 唔得！要走一齊走！我唔會比你死架！ 小心呀！Grand哩呀！呀呀呀呀！ 等我幫你補血先，你就黎死喇！ 如果我死左，你就執埋我D裝備走，等我番生呀！ 好！你要快D番黎救我呀！我等你！！！ 成件事變到史詩式愛情片咁浪漫。 親愛的！今晚入Dark Zone見喇~ #切記千萬不要比你的男人更高Lv #要有一定技術切忌太廢影響任務進度
