唔知大家平時去開邊度做eye treatment？我自己本身一直有喺尖沙咀 Eye Refine 做眼部療程。我自己去過咁多間美容院，呢度嘅治療師都好friendly，完全唔會黑面或者Hard Sell你買 plan，成個環境令人好放鬆。 但前排太忙，我去得好疏，有時隔成兩個月先去一次。做到中途我心諗：「咦？點解效果好似咁慢嘅？好似無咩變化咁。」後來同治療師傾計，一路解釋俾我聽要定期嚟做，個效果就會明顯可能我就因為做得太疏，結果進度未係好明顯。好在，就算做得咁疏，眼部狀況都無變差。治療師用咗個好貼切嘅比喻，話呢啲療程就好似煲湯咁：定期持續煲，啲材料自然會出味；但如果一兩個月先開一次火，每次都等如由頭開始，火候去到一半又凍返，煲一世都出唔到濃味！明白咗之後我即刻重新排過 schedule，原來一開始真係要去得密啲，到後期狀況穩定晒，就算依家無去得咁密，個效果都仲 keep 到。所以，如果大家買咗 treatment 就千祈唔好浪費。特別係療程初期 1-3 星期，一定要保持規律，唔好做一排又停一排。只要初期堅持好定期去做嘅習慣，等到後期狀況穩定晒，而家都見到明顯嘅改善。
