悉尼之旅唔打住，打左個新鮮架先。 華欣看似無咩玩，只有按摩同食下野，不過話好多美食又不講得，夜市只有一個。我地去食主要方便為主，夜市入面嘅海鮮店已夠地道同好味，足足平香港一大半。 其他食物我地最鍾意唔跟旅遊書，旅遊書多數都係貴又唔好食，隨意揾咁先會有更意外既收穫。 我地去左6日，到曼谷機場落機再上酒店包車入華欣（要預先book 定），足足3個半小時既路程，司機都要不停食野同飲野提神。 講左住宿先： 華欣住左兩間酒店，一間「Arest Hua Hin Hotel」，呢間近市中心不需5分鐘直達，房大舒服。露台外面更有按摩浴缸，雖然感覺奇怪啲按摩浴缸喺外面？咁咪俾人睇哂？不過我地都係著泳衣去浸既，我地2樓就按摩浴缸，地下就直頭打開房門就後游池，不過環境唔算好大。但酒店乾淨，早餐食物又好食，重點大多都係外國人，好少內地同香港人。 點擊圖片放大 +3 房大舒服:)露台外面更有按摩浴缸 地下就直頭打開房門就後游池 另一間真係真心推薦必住。我一直醉深「Let’s Sea Hua Hin」呢間一向岀名，酒店一岀對住運河，景靚。但時時full爆，而且要2千幾一晚。無位又貴，唯有揾下有冇間差不多級數既。 點知俾我地揾到「The Sea-Cret Garden Hua Hin Hotel」呢間都幾辟，但夠靜而且都係運河式設計pool access酒店，一晚更只是800幾元港幣。 房大，又可以浸浴，仲有一岀去就可以游水，舒服自在。 不過我地只住左一晚，因為離市中心都有成20分鐘車程，唔可以講話好方便。雖然有酒店車，但30－45分鐘一班，只有6個位。所以我地都係最後一日住呢間酒店，不停游水，喺酒店叫餐再直岀曼谷。不過你見到呢個景你真係唔想周圍去。 點擊圖片放大 +6 ◎ The Sea-Cret Hua Hin．瑟可瑞酒店 – 英文地址：1/9 Sol Hui Hin 75/2 Nongkhae, Hua Hin, Prachuap Khiri Khan – 泰文地址1/9 ซ.หัวหิน 75/2 ต.หนองแก, ตัวเมืองหัวหิน, หัวหิน/ชะอำ – 電話：086-329-6221 – 傳真：032-532-961 – 官網：http://www.theseacrethuahin.com/
