呢年幾不停周圍飛周圍去。 有幾個旅行blog都未寫,我會追返。 先講呢個悉尼之旅,話說想停一停機落地行下 同機票平啲,簡左MH(馬航)機。 基於我的"大大"咩都不怕,兩口子就咁坐足5小時同8小時啦! 因著之前啲意外,點都有擔心。但第一次坐感覺真係不太好,細機不是問題。 上到去空姐黑面無笑容,電視開不到叫了好耐才理會。椅上、枱上有不同污垢,感覺幾污糟。 不過食物飛機餐不錯,只是後面傳岀陣陣腳嗅味,唯有只是向前方呼吸,好在5小時機好快就到。 到吉隆坡等轉機,好在大大叻一早記得信用咭有呢個貴賓休息區,大家記得CHECK下信用咭。 點擊圖片放大 +6 有食物、飲品同甜品供應。有得叉電仲可以沖埋涼再上機,舒服舒服。