購物係女人既天性, 尤其現今社會科技發達, 無論你響室內定室外, 就算足不出戶, 只要有得上網就可以買! 最近發現到個外國網站 CHOiES.com, 衫褲鞋襪飾物袋款都有, 而且價錢仲好平, 忍唔住... 買左! CHOiES.com 係一個外國網購, 不過佢會周圍 Ship, 所以都唔洗驚有得睇無得買! 而且仲有多款貨幣選擇, 比美金; 歐羅定英鎊, 甚至係比港幣亦得, 唔洗自己再計番個匯率或者蝕左匯率差價! 而我今次買左咩呢? 嘿嘿, CHOiES.com 有好多衫褲鞋襪飾物袋款慢慢揀, 睇睇下就 click 左去袋款, 又好似幾 Ok 咁款喎! 呢個袋仔又好似咁好咁噃 (註: $38.99係美金價錢), 可以手挽亦可斜孭, 望落都幾多 Detail 位, 計落大概港幣三百左右, 仲有四色選擇, 考慮得過! 跟住睇睇下居然發現荀野 (SALE)!! 一條連身長裙, 只係美金九個九咋, 即係港幣八十蚊都唔洗! Size 雖然只有中碼及大碼, 但可能係外國碼黎架嘛, 所以最好查清楚尺寸! CHOiES.com 有 size chart 比大家參考; 而且亦有寫明條裙長度闊度, 最重要係寫埋質料, 因為相片同實物始終或會有少少出入! 想知件衫會唔會貨不對版, CHOiES.com 有一欄係 Customer's Review, 買家會填上自己基本資料 (包括身高; 體重), 同埋對產品既評價, 咁就可以更清楚估計到件衫既質素如何啦~ 哇~ 又發現平貨啦!!! 美金一個九銀錢一條手鍊, 手繩都唔只呢個價錢啦!! 況且飾物係配襯必須品黎架麻, 買! 買野過程非常簡便, Add to Bag 然後 Pay Now, 輸入送貨資料 (收件人; 電話; 地址), 跟住唔好即係 Pay 呀!!! 因為我呢個慳家妹發現有 Promo Code 一欄! 有 code 就可以再平d喎, 平d喎~ 嘿~ 不過我 no luck 呢... 我搵到既 code 係已經過左期=,= 所以直接信用卡付錢去~ 落左單; 比左錢, 跟住就係等收貨!! Oh yes, 忘了提提大家, 心急人係可以加錢安排更快速遞; 我都唔係好急之麻, 我等得 :p 網站寫話要10-15個工作天, 但我唔洗一星期就收貨啦, Yeah~ 而且 CHOiES.com 每日都有新貨返, 真係一星期七日長年無休架! 新貨仲要有九折添~ 當然其他貨間唔中都會做 on sale 添啦! 唔洗一星期就收到貨, 比我原先預計既早左好多~ Packing 用上 CHOiES 專用鎖口膠袋入住. 就以 Packing 黎睇, Quality 好似都幾好咁! 哈哈~ 條 One-Piece 係 CHOiES 出品黎架!! 印有佢地名既 Tag! 近鏡望下條裙既質料, 相當唔錯呀!! 棉又好似唔棉得晒, 感覺著上身會好清爽舒服! 而且車功亦唔馬夫, 絕唔係次貨或者粗製濫造其其奇交課既產品! 我都幾鐘意呢條 One-Piece 長裙 :) 而且只係US$9.9, 物超所值呀!! 至於條手鍊 (我以為我自己訂左頸鍊, 黎到先知原來係手鍊 xDD ), 好輕身, 而且US$1.99咋, 真係去邊度搵呀! 又易襯喎~ 我真係幾鐘意呢d 款既 One-piece 裙, 假日休閒風盡現!! 點擊圖片放大 分享到此為止, 拜拜~ °ﾟ｡･*.ﾟ✩˂特別嗚謝 CHOiES 邀請及贊助部分商品˃✩ﾟ.*･｡ﾟ° ♥歡迎邀約合作試用♡出席活動♥ fb.me/chanchecheee chanchechee@gmail.com
