網路上見到好多人都話韓國既 雪冰 好好味, 但好似遇見... 又唔係喎, 都遇到幾間 ^^ 甜品係第二個胃, 網路大熱既 雪冰, 食飽飽後都仲食得落~ 如果要去新沙洞既 Line Friends Store & Cafe 既話就一定會途經呢間 雪冰! 雪冰 位於二樓, 感覺就係一間樓上 Cafe/coffee shop! 地方好寬敞, 唔會看得迫促! 而且有免費 Wifi 上網; 仲有好多插蘇頭供你差電 :p 食物除左雪冰之外其實仲有 Toast 及其他飲品... 但都睇唔上眼 lu! 黎到梗係食雪冰啦! 雪冰總類繁多, 至 Top 就係紅豆及黃豆粉, 而且間唔中仲會遇上限定雪冰呢~ 買完之後就會比個"鬧鐘"你! 因為整雪冰需時, 又唔想你企響 counter 等太耐, 會比個鐘仔你返埋位, 整好就會響提你可以取冰啦~ 食得囉~ 我叫左個限定士多啤梨雪冰; 另一個就係推介既紅色配黃豆粉雪冰! 份量算幾大碗架 :D 士多啤梨配紅豆大福餅, 好好味呀~ 士多啤梨又甜喎, 唔係糖水造出黎! 個大福餅又夠晒煙靭, 正呀~ 而黃豆粉雪冰又係超正!!! 上層係幾粒 mochi 及一大Pat 紅豆泥, 好好味呀~~ 若好甜者可以加少少煉奶, 亦唔會甜過龍! 香港有棉棉冰, 係一片片; 不過唔夠韓國既雪冰好味! 雪冰真係好似雪咁, 真係入口即溶, 超正! 記得要黎食! 雪冰 (Korean Dessert Cafe) 新沙洞林蔭道 地址: 서울 강남구 강남대로 152번길 45, 2층 (新沙站8號出口, 林蔭大道行無耐左邊2樓, School Food對面) Website: http://sulbing.com/online/ 分享到此為止, 拜拜~ ♥歡迎邀約合作試用♡出席活動♥ fb.me/chanchecheee chanchechee@gmail.com
