過左中秋就秋天, 天氣開始無咁熱, 可以進行多d互外活動, 吸收下陽光, 吸收下維他命D! 唔一定要行山遠足, 啟德郵輪碼頭都係一個好地方黎架 =͟͟͞͞٩(๑☉ᴗ☉)੭ु⁾⁾ 今次係我第二次黎啟德郵輪碼頭 (上一次係跑入黎: 由官塘碼頭跑去啟德郵輪碼頭旁邊既啟德跑道公園, 真係超超超遠), 今次就醒目啦, 先搭地鐵去九龍灣德福商場, 然後就搵86號綠色小巴站!! 大概10~15分鐘車程就黎到架啦!! 點擊圖片放大 呢度真係好大架, 大到車或者人都唔見到多隻 ʕ•̫͡•ʕ*̫͡*ʕ•͓͡•ʔ-̫͡-ʕ•̫͡•ʔ*̫͡*ʔ-̫͡-ʔ 所以呢, 黎呢到行下 hea下 影下相, 真係幾好架, 唔洗同人周圍迫之餘, 仲可以遠離市區, 環境同空氣都清新d啦!! 點擊圖片放大 仲有個小型噴水池!! 小朋友就最鐘意啦! 而我又鐘意大自然, 鐘意綠, 親親大自然就最岩我~ 香港泊遊城, 係就係新d, 但陸陸續續都開始有好多店鋪, 而我就去左位於Zone A既Plaza Café, 嘆下午茶, Relax下~ 岩岩上月先開既 Plaza Café, 暫時以西式糕點作招來! 環境開揚, 人唔多易搵位, 而且仲有 free wifi, 呵呵~ 可以慢慢坐, 坐成日都唔會有人趕 (๑′ᴗ‵๑) 點擊圖片放大 野食有咸有甜, 種類唔算太多, 但對於患有選擇困難症既我, 都有排揀lu~ 至於飲品, 有即沖亦都有罐裝及樽裝, 而罐裝及樽裝飲品係出便街無得賣架 (我未見過囉 :p citysuper 都唔覺眼有呢幾款飲料) Special D~ 而我就叫左杯 Latte, 有拉花架!! 都算有d心思啦~ 暫時只係得 Hazelnut Latte 呢款 signature coffee, 遲下會有多d唔同味道^^ 大食時間開始囉೭(˵¯̴͒ꇴ¯̴͒˵)౨~✩⃛ 點擊圖片放大 +2 食野/好唔好食係好個人, 尤其甜點! 據負責人話呢, d cake 係由前 AgnesB 餅師每日新鮮整架 (我覺得 cake 既賣相都幾 AgnesB feel 架 xD )! 有d 甜得黎帶少少酸, i like sour!! 有咁多款 cake, 真係有排食架!! 唔鐘意食既話可以去隔離既 The1925Club! The1925Club 簡直係一個酒莊!! 林林總總, 紅酒白酒香檳... 乜都有! 而呢度既裝修都好靚好舒服! 點擊圖片放大 周圍都係我最鐘意既木系, 好 Raw, 好家既感覺! 另外值得一題既係下便呢部斟酒機!! 每次可以放八支酒; 可以 set 溫度; 而且斟酒既份量亦都有得揀! 以真空抽酒方式, 令酒可以保存得更好, 無咁易變壞變味! 斟左出黎就梗係飲番兩杯啦~ 好似話遲下會有 Wine Tasting, 大家要留意啦!! 講住咁多先, 得閒就去啟德郵輪碼頭 hea 下行下食下睇下, 陸陸續續都會有其他新建設架! 更多詳情, 請往 Hong Kong Cruise Plaza Website ➞ http://www.ktcp.com.hk/ 分享到此為止, 拜拜~ 特別嗚謝活動主辦: - HK Cruise Plaza ♥歡迎邀約合作試用♡出席活動♥ facebook.com/chanchecheee chanchechee@gmail.com
