其實好耐之前已經好鐘意蝸牛產品架啦♡ 嘿嘿, 去韓國旅行當然大掃護膚品化妝品啦!! 雲雲當中, 我就揀左TonyMoly既Intense Care Snail Cream!! 當然買set裝抵d啦, 套裝包括: - Intense Care Snail Skin 強效呵護蝸牛化妝水 (含45%蝸牛黏液) - Intense Care Snail Lotion 強效呵護蝸牛乳液 (含45%蝸牛黏液) - Intense Care Snail Cream 強效呵護蝸牛護膚霜 (含70%蝸牛黏液) 響韓國買護膚品化妝品除左平過香港之外, 贈品都送好多架!!! 而呢一個就送我Intense Care Snail Hydro-gel Mask!!! 一次過擁有晒同系列, Yeah! 蝸牛係六億年前就響地球上存在既古老生物! 蝸牛黏液既好處效果得到廣泛認知源於智利一個農場. 呢個農場係飼養食用蝸牛... 飼養員響養場工作, 好容易就會整到或左受傷而有傷口. 但奇怪既係飼養員既傷口好快就好番, 而且連皮膚都變得柔和明亮! 之後就有化學家通過科學研究... 終於發現左蝸牛既黏液, 對肌膚提供彈性同營養既功效!! 你問我咩成份果d我就唔識啦! Snail Skin 同 Lotion我就覺得一般啦.... 不過隻snail cream就好好用!! Cream好似雪咁既質地, 同一般既林bedbed cream又唔同喎! 搽上面到好滑, 唔立手唔立面! 薄薄地點幾點響塊面就夠晒! 輕輕打圈推開... 塊面好似多左個無型既保護膜咁! 我覺得呢個保護膜幾好喎, 可以有效保濕同修護肌膚! 而且滋潤得黎仲預防乾燥同爆刷添呀!! 呢個冬天我成日都用佢! 用左佢塊面好似smooth左|(￣3￣)| 無咁多凹凹凸凸, 好似真係修護左喎♡ 分享到此為止, 拜拜 ◉‿◉ ▀▄▀▄▀▄ＣＯＮＴＡＣＴ ＭＥ▄▀▄▀▄▀ chanchechee@gmail.com
