我地由細細個開始就接觸「油」呢個產品: BB油,按摩油,香薰油,黑鬼油,白花油,驅風油... 對油一d都唔陌生(￣▽￣)/ 而今次試用既油,係品牌Caudalie既DivineOil - 美肌護理油! 美肌護理油可用於面部及身體肌膚;指甲;秀髮,亦可以當作按摩油使用. 佢蘊含專利葡萄籽多酚及多種珍貴植物油,包括葡萄籽油;堅果油;芙蓉油及芝麻油,可以滋養同美化髮絲;面部同身體肌膚. 葡萄籽油 - 喚醒及滋養肌膚 堅果油 - 修復皮脂膜及保持細胞完整性 芙蓉油 - 防止肌膚表面水份流失 芝麻油 - 滋潤和軟化肌膚 葡萄籽多酚 - 強效抗氧化 乳木果油 - 強效修復肌膚 樽身除左有產品名稱之外,另一面有凹凸提子圖案! 手感一流,又唔會跣手! 開蓋後先知係噴咀式設計. 呢個要大贊!! 唔會倒到成個樽都係油之餘,用幾多噴幾多,一滴都唔會嘥! 轉季天氣搞到肌膚好乾燥,爭在未變蛇皮咋! 我主要搽我既雙腿! 每朝早噴兩下就夠晒,著絲襪都順滑d~ 夜晚當然都要噴兩下啦! 如果遲d天氣再凍d就可能會開暖毯訓覺,呢支美肌護理油就唔可以少得啦!! 無搽佢仲要成既乾烘成晚,唔變蛇皮都幾難lu~ 呢支護理油唔單止可以搽我地既肌膚(面,手,身,腳),佢仲可以搽埋我地既頭髮(份量當然要適中啦! 如果唔係變頭油怪唔關人事架!);順便滋潤埋雙手同指甲! 另外,Divine Oil有獨特既味道. 原來係結合左摩洛哥玫瑰同保加利亞玫瑰精華,再加上清新既西柚同辛辣既粉紅胡椒! 將香氣進一步昇華到更高層次! 平時當香薰油/香水,搽小小響身唔單止可以滋潤肌膚,仲會散發陣陣幽香 產品由SaSa提供 :)
