30 Sep 2015… St. Petersburg 今日實行早出早歸！晨早起床, 梗係去麥當當食返個早餐先啦~~ 哈哈~~ 呢度嘅麥當當早餐同香港有 D 唔同, 梗係試 D 香港冇嘅嘢啦, 我地一人食咗一條好似薄餅卷咁嘅物體, 味道都唔錯~~ 點擊圖片放大 嘆完個早餐我地就開始行去彼得大帝夏宮(Летний дворец), 其實唔算近, google map 話要行廿幾分鐘, 我地一向鍾意行路多過搭車, 如果唔係太遠慢慢行可以睇下嘢嘛~~ 加上喱度搭車都唔安全.... 行下行下我諗都行咗有半個鐘, 就到達夏宮喇~~ 嗰度兩旁嘅樹都好高, 周圍都係花花草草, 有個位有個冇水嘅水池, 周圍有 D 雕像咁.... 其實我都係之後先發現我地應該只係去咗夏宮花園嘅一部分.... 而最 main 嗰座建築物我哋好似 miss 咗... hahahahaa..... 不過都唔緊要啦~~ 我地喱 D 好隨心嘅..... hahaaaa.... 唯有係咁諗... hahaaaa 點擊圖片放大 +14 之後繼續行去附近嘅戰神廣場 (Ма́рсово по́ле), 喱度最出名就係有團永恆之火~~ 網上資料話係用黎紀念俄羅斯1917年嘅革命以及喺隨後嘅內戰中犧牲嘅人~~ 點擊圖片放大 +7 之後我地就去搵阿芙樂爾號巡洋艦 (Авро́ра), 係俄國波羅的海艦隊嘅一艘巡洋艦, 經歷過兩次革命同三場戰爭, 因參加十月革命而聞名於世~~ 我地行行下經過海邊, 見到另一隻唔知咩船, 又經過一座粉藍色嘅建築物, 我地估係水軍學校嘅物體..... 見到好多著住制服嘅小朋友同後生仔~~ 行咗可能有半個鐘.... 明明 google map 話到架喇喎，但完全見唔到有艦..... 周圍望咗陣.... 我地終於見到 Авро́ра.... 個石碑...... what the xxxx!!! 隔離仲有張 poster, 點睇都應該係話隻艦 move 走咗...... 山長水遠行勁遠黎到.... 實在太失望喇..... (經 google translate 翻譯應該係話隻艦入咗廠維修至到 2016 年 6月) 點擊圖片放大 +10 堅係行到攰攰豬.... 我哋喺河邊搵左個位坐低抖左陣.... 叉叉電先再出發去下個景點 - 彼得保羅要塞 (Петропа́вловская кре́пость)~~ 入面唔知點解有好多唔同形態嘅兔仔雕像, 有大有細~~ 仲有世界最高嘅東正教教堂鐘樓係要塞裡面彼得保羅教堂 (Peter and Paul Cathedral) 建築嘅一部分, 真係好尖又好高呀~~ 點擊圖片放大 +16 行咗咁多路係時候要食嘢喇~~ 無意中經過一隻 ”餐廳船”, 我地被佢吸引, 入面嘅裝修好特別, 有少少似海盜船主題, 連個廁所都好型，銀色門好似太空艙咁.... 呢間餐廳係偏貴, 不過佢 D 嘢真係幾好味, 尤其係個沙律~~ 點擊圖片放大 +22 食飽飽有力再行, 行十幾分鐘就到勝利柱 (Strelka Vasilyevskogo ostrova) 喇~~ 高 32 米嘅紀念燈柱原來係導航燈塔黎架~~ 柱身嘅四個人像係代表四條俄國大河~~ (from 網上資料), 另外仲有 D 人魚像, 唔知又有咩意思呢?! 點擊圖片放大 沿住條橋行返去對面岸, 行到十二月黨人廣場 (Senate Square/ Сенатская площадь), 嗰度有個青銅騎士像, 再行過 D 又見返冬宮喇~~ 我地喺冬宮廣場附近行咗陣, 之後又去返最熱鬧嘅大街, 喱個時候梗係要行下 D 手信店啦~~ 我地買咗 D 用普京個樣漫畫化咗去包裝嘅朱古力同茶包, 仲有 “吸吸娃” 罐裝茶葉~~ 我覺得個罐真係好靚喎~~ 點擊圖片放大 +15 Shopping 完畢我地就一心返屋企 hea, 到肚餓先落樓下 D 餐廳食飯, 我地住嗰條街好在算係有幾多餐廳, 真係落樓行兩步就有嘢食~~ 喺 hea 緊嘅時候, 冇嘢做梗係去廁所痾個靚 C 啦..... 點個喺廁所出黎有驚喜! 因為小妹聽日生日, 我親愛嘅 Buddy 襯我喺廁所嘅時候竟然就地取材, 用頭先買嘅 “吸吸娃” 罐夾住支蠟燭, 熄埋燈等我一開門就唱生日歌~~ 堅估唔到同堅開心呀!!! 哈哈~~~ 點擊圖片放大 +2 玩完一輪, 我地落樓下食牛扒~~ 佢地同我食生日飯~~ yeah~~ 嗰間餐廳細細間, 裝修得幾靚, 中間有個透明玻璃櫃，入面放咗唔同部位嘅牛肉俾客人選擇~~ 我地叫店員介紹完之後揀咗三個唔同部位 Share 食~~ 喱間店嘅店員好 nice, 佢地話咗俾店員知我生日, 上蛋糕嘅時候店員仲同佢地一齊唱生日歌 tim~~ 就係咁我地渡過咗一個好歡欣嘅晚上~~ 點擊圖片放大 +18 返到房沖晒涼, 我地各自修行啦, 無啦啦夜媽媽先發現我背囊入面原來有張生日卡~~~ 嘩哈哈~~ 之前我喺背囊拎過 N 次嘢都睇唔到, 原來佢地等我好耐, 仲話我盲炳咁都睇唔到... 哈哈, 真係好多謝我兩個 Buddy~~ 今晚真係好開心啊~~~
