26 Sep 2015… Kraków 今日又落雨喇.... 本身諗住今日會去鹽礦, 但係見咁嘅天氣, 都係調一調個行程, 主要去返市內嘅景點~~ 首先係去瓦維爾皇家城堡 (Wawel Royal Castle/ Zamek Królewski na Wawelu), 途中經過聖伯多祿聖保祿堂 (Kościół ŚŚ Piotra i Pawła w Krakowie), 出面有好多個唔同造型嘅天使, 都幾靚架~~ 點擊圖片放大 +2 由 apartment 行 20分鐘左右, 就到咗瓦維爾皇家城堡喇~~ 佢嘅外觀同我心目中嘅城堡有 D 唔同, 我覺得城堡多數都係古老 D 架嘛... hahaa... 佢個外貌同而家 D building 差唔多~~ 點擊圖片放大 +5 我地首先去 information centre 買飛, 佢有分開入唔同嘅地方就俾唔同嘅錢, 我地淨係買咗 pass 入 State Rooms, Royal Private Apartments 同 Sandomierska Tower~~ 頭兩個都有固定時間, 同埋入面唔俾影相~~ 點擊圖片放大 我地第一入咗 State Rooms 先~~ 主要係有幾間客房同套房, 有木製嘅天花, 有好多畫同掛毯, 我個人覺得同其他歐洲國家皇宮入面差唔多格局~~ 相片可以參考官網: http://wawel.krakow.pl/en/index.php?op=83,38,41 睇完我地喺室外地方影下相, 等夠鐘再入 Royal Private Apartments~~ 今次會有導覽員帶我地一路行一路講解, 喱度係皇家公寓同客房, 保留咗原有文藝復興時期嘅落葉松木天花板、有 D 壁畫、古老嘅掛毯、 瓷磚爐灶... etc... 連當時嘅廁所都有得睇架~~ hahaa~~ 相片可以參考官網: http://wawel.krakow.pl/en/index.php?op=130,38,41 睇完之後我地就自己周圍行, 去埋 Sandomierska Tower, 係瓦維爾皇家城堡嘅兩座砲塔之一, 仲有個綽號叫 “Fire Towers”, 用黎防禦外敵攻擊, 入到去可以見到塔頂木製嘅結構, 有幾層可以上, 望出去可以睇到附近嘅景色~~ 點擊圖片放大 +15 基本上我地要睇嘅都九九十十 lu~~ 我地行返出市中心搵嘢食~~ 是但入左一間餐廳, 食咗少少野, 就繼續周圍行~~ 行返去尋晚去過嘅中央市場廣場 (Main Market Square/ Rynek Główny) 一帶, 市政廳鐘樓 (Town Hall Tower/ Wieża Ratuszowa) 同聖母大殿 (St. Mary's Church/ Kościół Mariacki) 就喺嗰度喇~~ 今日唔知有咩活動, 廣場搭咗個台有人喺度表演~~ 點擊圖片放大 +13 我地兜咗個圈就入咗隔離嘅紡織會館 (Cloth Hall/ Sukiennice), 入面唔算大, 兩邊有賣手信同工藝品嘅攤檔~~ 好快就行完喇~~ 之後我地就沿住 Gradzka 街, Floriańska 街, 一路行去聖福里安門 (St. Florian's Gate/ Brama Floriańska), 中間仲入 McDonald 借咗個廁所, 估唔到喱間 McDonald 入面都幾靚, 有個似 cave 咁嘅位置~~ 點擊圖片放大 +13 穿過聖福里安門就係克拉科夫瓮城 (Barbakan krakowski) 喇, 曾經係控制進入克拉科夫老城嘅入口, 而家入面用黎舉辦各種展覽, 我地純粹到此一遊, 冇入去入面呀~~ 點擊圖片放大 +4 之後我地就諗住行去 Apartment 姐姐講嘅一個 flea market~~ 雖然行 25 分鐘唔係好耐, 但好似行咗好多路咁.... 點知去到完全冇嘢睇呀.... 得好少檔口開咗, 仲要得 D 日常用品同埋花.... 唯一嘅得着係隔離有間大超市, 我地喺嗰度買咗好多糖做手信~~ 點擊圖片放大 +2 我地唔知點解真係好攰.... 實在係唔想行喇.... 於是決定打的去猶太區~~ 一落車就係猶太博物館 (Synagoga Stara) 喇~~ 喱一區同市中心感覺好唔同, D 建築物有好多 graffiti, 同埋冇咁城市 feel~~ 我地四周圍行, 搵咗間有得坐低嘅小食店, 食 Apartment 姐姐介紹我地嘅一種當地 fast food - Zapeikanka~~ 其實似 pizza 類物體, 但係長型, 主要有蘑菇同 cheese, 好大條架~~ 都係大概 HKD$12 咋~~ 點擊圖片放大 +16 食完再行去附近嘅愛鎖行人橋 (Kładka Ojca Bernatka), 雖然 D 鎖唔算勁多, 不過喱度個景都唔錯~~ 點擊圖片放大 +5 之後我地冇乜好做~~ 今日又行咗咁多路, 確實幾攰... 我地決定搭的士返屋企抖陣先出去食飯~~ 喱度 D 嘢實在係唔貴.... 所以我地先可以咁肆無忌憚搭的士咋.... hehee 同尋晚一樣, 入夜之後條街都仲係好多人~~ 其實我地唔係好肚餓, 主要今晚係想去姐姐介紹嗰間 House of Beer 見識下~~ 咁點都要食 D 嘢嘅... 我地喺酒吧附近搵咗間食西嘢嘅餐廳~~ 叫咗個吞拿魚沙律, 一個長通粉同埋一個意粉~~ 點擊圖片放大 +3 食飽行幾步就到咗 House of Beer 喇~~ 姐姐話喱度有三百幾種啤酒架~~ 入面都幾多人, 我地都係諗住淺嘗一下, 感受氣氛為主, 我地坐咗 Bar 枱位置~~ 對住一埲 ”啤酒牆”, 的確係幾正!! 點擊圖片放大 +3 我地請 bartender 推介一 D 本地出產嘅啤酒俾我地, 最終我叫咗一支我最愛嘅香蕉味啤酒~~ 都真係幾蕉喎~~ I like it~~ 點擊圖片放大 +2 飲飽食醉就梗係返歸覺覺豬啦~~ 聽日會去維利奇卡鹽礦 (Wieliczka), 之後就會離開 Krakow 去波蘭嘅另一個城市 Wroclaw~~
