25 Sep 2015… Kraków 今朝 8 點零就出發喇, 行返去尋日落車嘅 Krakow Glowny train station (Central railway station) 搭巴士去奧斯威辛集中營 (Auschwitz - Birkenau)~~~ 我地買咗飛搭 8:30am 車, 仲有少少時間, 我地喺巴士站入面一個小檔買咗麵包做早餐, 個包係喺喱度成日見到嘅款, 一個圈咁嘅, 咬落都幾韌~~ 點擊圖片放大 搭咗大概兩個鐘車就到集中營喇~~ 跟導覽員參觀集中營係分時段嘅... 我地揀英文 tour 最快都要 12:00noon, 嗰陣都未夠 11:00am, 不過冇辦法, 都係要等~~ 仲有個幾鐘, 我地過咗隔離餐廳買咗柸嘢飲, 搵個位坐低等夠鐘~~~ 點擊圖片放大 夠鐘入去喇, 我地搵返啱語言嗰個 tour guide, 每人入場嘅時候都有個 headphone 同一部機仔, 係 for 我地一路行嘅時候聽住導覽員嘅講解嘅~~ 點擊圖片放大 一團大概十幾二十人, 導覽姐姐會帶我地參觀整個集中營, 入口上方寫住 “ARBEIT MACHT FREI”, 意思係” work makes you free”.... 當然係 bullshit 啦... 因為喱度跟本就係有入冇出嘅死亡工廠.... 簡單講一下奧斯威辛集中營嘅背景, 佢係第二次世界大戰德國納粹建立最主要嘅滅絕營, 用黎實行有系統的嘅猶太人大屠殺行動, 估計約有 110萬人喺集中營被殺, 超過九成遇害人都係猶太人..... 集中營主要有三大區域, 分別係一號營區: 奧斯威辛 (Auschwitz Concentration Camp), 二號營區: 比克瑙 (Birkenau) 同三號營區: 莫諾維茨 (Monowitz Concentration Camp), 仲有多過 40 個次營地或者工廠, 最主要嘅目的係進行殺害猶太人或者係對收容者進行極為嚴苛嘅工作、集體處決或者進行不人道嘅人體實驗...... 基本上周圍環境都係一排排嘅紅磚屋, 但每一間入面都係唔同嘅嘢~~ 我本人一向對歷史嘢都唔大興趣, 不過當親身黎到喱度, 被周圍嘅氣氛影響, 所有視覺衝擊令我好想了解喱個地方嘅故事.... 集中營入面每個 building 都有個 number, 導覽姐姐帶我地入嘅第一橦 building 入面有 D 相片, 顯示當時猶太人黎到喱個集中營之後嘅惶恐, 仲有毒氣室嘅模型同部份用過黎裝化學劑嘅罐... 點擊圖片放大 +9 之後我地仲見到好多受害者嘅物品, 眼鏡、義肢、行李箱、鞋... etc.... 連頭髮都有.... 數量真係好多, 當然應該只係全數嘅一部份.... 真係令人毛骨悚然.... 點擊圖片放大 +4 另一個 building 嘅兩邊牆有好多單人照, 相下面寫咗個人檔案編號、出生日期 、入集中營日期同死亡日期..... 我地仲見到當時嘅囚室同廁所... etc... 點擊圖片放大 +7 之前導覽姐姐帶我地行到去 Death Wall, 喱度係囚犯被槍決嘅地方... 牆前面有 D 鮮花, 應該係 D 有心人帶黎獻俾死者嘅.... 而 Death Wall 旁邊嘅 block 10 同 11 嘅窗都係遮住, 因為想唔俾其他人見到佢地嘅行刑手法.... 點擊圖片放大 集中營不時亦見到通電嘅鐵絲網, 防止有人逃走..... 再行到一個絞刑台嘅地方, 涉嫌參與營地地下抵抗運動或準備逃跑嘅囚犯會喺喱度受到審訊, 好多囚犯因為被毆打或酷刑而死.... 奧斯威辛第一任司令亦係喺度被吊死...... 點擊圖片放大 +3 之後再去參觀毒氣室.... 德國納粹會呃 D 猶太人話係去沖涼消毒, 令佢地一個個咁入去毒氣室, 之後鎖上大門釋放毒氣.... 成個過程只需 15-20分鐘.... 之後佢地會喺屍體身上搵下有冇值錢嘅嘢... 例如金牙..... 之後再將屍體搬到隔離嘅焚屍爐燒毀..... 點擊圖片放大 +2 睇到喱度, tour 有少少時間俾大家 break 一 break, 我地實在係好肚餓.... 唯有買住少少餅同朱古力頂住先~~ 之後就搭 free shuttle 去另一邊繼續參觀~~ 另一邊一去到見到好長嘅火車軌, 就係用黎運送黎自歐洲各地嘅猶太人... 佢地會被篩選, 覺得冇利用價值嘅就會直接去毒氣室.... 路軌附近起咗不同語言嘅紀念碑.... 但願佢地嘅靈魂安息..... 點擊圖片放大 +6 之後再睇多一兩個囚犯瞓覺嘅地方同廁所, 整個參觀行程就結束喇~~ 成個 tour 三個幾鐘~~ 我地懷住沉重嘅心情搵車搭返出市中心~~ 點擊圖片放大 +2 出返市中心已經成 7 點喇, 今日晏晝都冇正式食過嘢.... 第一時間去 Apartment 姐姐介紹嘅餐廳食餐勁嘅!! 間餐廳名係 Chtopskie jadto, 裝修都幾靚, 我地叫咗兩個唔同嘅湯, 一碟 platter, 嘩.... 大碟到呢.... 嘢食味道唔錯, 係熱氣咗少少啫.... 又係食唔晒要打包.... 我仲試咗當地 transitional drink... mm... 味道可接受, 不過唔係好味.... 點擊圖片放大 +10 食飽飽我地喺中央市場廣場 (Rynek Główny) 附近行咗陣, 夜晚嘅廣場都仲係好熱鬧, 有好多攤檔賣唔同嘅嘢食同精品~~ 不過行行下落大雨..... 我地行完 D 檔仔就慢慢行返屋企喇~~ 聽 Apartment 姐姐講, 喱度 D 店好多都開到好夜, 連郵局都開 24 小時呀.... 你贏啦.....!!!! hahahaa 點擊圖片放大 +14
