24 Sep 2015… Zakopane > Kraków 今朝一早起身, 搭的士去 PKL Kuźnice 纜車站, 我地去到嘅時候 8 點幾, 仲未係好多人, 纜車來回 Kuźnice <> Kasprowy 都唔平架... 要 around HKD190.... 買完飛等咗一陣, 可以上車喇~~ 點擊圖片放大 +3 架纜車都算大, 應該可以載到廿幾三十人, 沿途可以睇到好靚嘅山景~~ 搭咗差唔多二十分鐘, 就到達 Kasprowy~~ 點擊圖片放大 +10 今日天氣好好呀~~ 喺纜車站行出去已經可以見到好勁好靚嘅山脈景, 超宏偉~~ 我哋沿住唯一嘅石路行, 行到一個位，圍住嘅都係山, 真係好壯觀!! 點擊圖片放大 +11 出發前 search 過, 有條比較易行嘅路話係行兩個鐘去到 Murowaniec 旅舍, 之後再折返嘅, 好老實, 我地並唔係 professional 行山人士.... 黎到淨係得山路嘅地方, 真係無從入手...... 佢嗰度有個路牌, 不過冇我地諗住去嘅地方, 所以都係唔知點行..... 咁對我地黎講其實行邊都唔重要嘅.... hahaa... 最緊要係感受一下, 所以我地決定.... 憑感覺!! Wakakaaaa..... 點擊圖片放大 +4 我地見到有條路可以再行去高 D 嘅地方, 於是我地就行上去, 越高嘅地方個景就越正!! 不過上到黎超級大風!!! 堅有 D 寒.... 點擊圖片放大 +3 喺我地好歡欣咁周圍影相嘅時候, 突然之間, 成個天被一層霧遮住晒~~ 明明上一秒仲係藍天白雲, 下一秒就乜都睇唔到，只係白茫茫一片, 我地仲好低能咁拍咗條片喺度唱 ”天氣不似預期”.... wahahaa.... 玩完一輪, 因為天氣越黎越差, 又凍又大風到癲... 於是我地決定折返~~ 就係咁, 原本諗住要行四個鐘嘅山, 我地用咗個幾鐘就玩完.... 之後就沿路行返去搭纜車落山~~ 落返 Kuźnice, 我地直接搭的士去下一個景點, 琴斯托霍瓦聖瑪利亞木教堂 (Kościół Matki Boskiej Częstochowskiej)~~ 一落車, 木教堂就喺對面, 喱間教堂外觀同其他教堂好唔同, 好有自己嘅特式~~ 教堂並唔大, 入面冇彩色嘅玻璃窗, 不過可能因為係木製嘅關係, 成件事多咗份比較住家嘅溫暖感覺~~ 而教堂嘅旁邊有一個類似墓地嘅 area~~ 點擊圖片放大 +12 去完教堂，我地就行返出去市中心~~ 係時間搵個地方食啲嘢先喇~~ 我地去咗一間酒吧餐廳, 又係有室外位置~~ 我地叫咗一碟腸仔, 一碟燒雞跟飯，仲有一碟餃子類嘅嘢, 波蘭 D 嘢食味道其實唔錯~~ 起碼暫時冇一餐我地覺得唔好食~~ 點擊圖片放大 +8 食飽飽 hea左一陣之後，我地又再去行街街喇~~ 我地去咗傳統市集, 嗰度都算幾熱鬧~~ 有好多車仔檔賣芝士, 亦有好多鋪仔賣 D 紀念品、手工藝品、衫褲鞋襪 .... etc.... 有好多木製品都好靚架~~ 點擊圖片放大 +14 之後我地再行返去 ul. Krupówki 主要步行大街, 見到有個街邊賣藝嘅叔叔畫漫畫風嘅人像畫, 因為我嘅生日就快到，所以 buddies 話畫送一張俾我~~ 於是我地就三個輪流坐低俾叔叔畫~~ 幅畫其實畫得幾靚, 我地覺得最似係 Onlee, 其次係我, 最唔似就係 Lala~~ 佢地仲叫叔叔寫咗波蘭文嘅 Happy Birthday 喺畫嘅左下角 tim~~ 我好鍾意喱份禮物啊~~ 點擊圖片放大 +2 之後再漫無目的咁周圍行, 仲去郵局寄埋postcard tim~~ 之後我地就返酒店拎行李, 去巴士站搭車過波蘭另一個城市 Kraków~~ 就係咁我地就要離開 Zakopane 喇~~ 我個人真係幾鍾意喱個地方~~ 好唔捨得呀~~~ 點擊圖片放大 +4 出發前已經上網買咗 SzwagroPol 公司嘅車飛, 我地會搭 5:00pm 嘅巴士, 坐兩個鐘多 D 就會到 Kraków 嘅 MDA bus station~~ 搭巴士最好梗係瞓啦~~ 到步嘅時候都已經天黑喇~~ 落車嘅地方其實就喺火車站, 我地搵路出返街外, 行十幾分鐘去我地住嘅 Fresh Apartment~~ Reception 姐姐真係勁 nice~~ 佢唔單止有甜美嘅笑容, 仲好熱情咁話晒俾我地知附近有咩正嘅餐廳, 仲推介咗幾間佢自己成日去嘅 bar, 我地見佢自己都講到好開心, 佢係我地咁多次旅行中遇過最 nice 嘅 reception 姐姐呀~~ Apartment 超正!!!! 間房每人每晚都唔駛 HKD200, 堅真心推介~~ 又係內置樓梯仔, 上閣樓有張床, 但我地費事上上落落, 所以開埋佢張梳化床, 三個瞓晒喺一層~~ 點擊圖片放大 +4 由於時間都唔早, 我地喺 apartment 煮麵食, 開罐午餐肉, 食埋今日準備咗而又冇食到嘅 lunch~~ 食飽飽早 D 抖, 聽日早起去奧斯威辛集中營 (Auschwitz Birkenau)~~
