23 Sep 2015… Warsaw > Zakopane 天未光又起行喇~~ 出發前我地已經上網買咗搭 PKP Intercity train 由 Warsaw 去 Zakopane 嘅火車飛, 2nd class 大概 HKD100/head, 要搭 6 個鐘零 40 分鐘~~ 咁早起身又搭咁耐車, 最好嘅活動梗係瞓啦.... hahaa.... 簡直係大昏迷.... 點擊圖片放大 到步本身係諗住行去酒店嘅... 話要行 20 分鐘~~ 不過經過上一站 Warsaw 孭住 “亞仔” 行咗差唔多時間發現原來都幾係嘢之後... 火車站出面又有的士司機兜搭我地喎.... 所以我地作出咗明智嘅選擇.... 搭的士... yeah... 好快就到喇~~ 我地住嘅係 Aparthotel Delta Garden, 成間酒店都係木屋 feel, 出面仲堅係有好大個 Garden~~ 等咗一陣 check-in 咗, 我地就上房喇~~ 點擊圖片放大 +2 間屋都唔錯呀, 有廳有房, 廳度有張大 L 型梳化, 房入面有兩張床, 仲有個 open kitchen 同廁所~~ 點擊圖片放大 +4 Settle 好之後我地就出去主街 ul. Krupówki 行下喇~~ 喱個 city D 嘢都算集中, 基本上主要景點都喺喱條大街~~ 因為 Zakopane 喱個地方出名行山, 所以有好多賣行山用品同戶外用品嘅店, 仲有好多餐廳, 路中心仲有 D 賣芝士嘅車仔檔~~ 喱度好有小鎮 feel~~ 都幾舒服架~~ 點擊圖片放大 +8 我地行咗陣搵地方食 lunch, 見到有間幾大嘅餐廳, 我地坐室外, 室外同室內都好多位架~~ 佢個 menu 都好特別架, 用咗行山仗襯返喱度~~ 幾有 heart~~ 點擊圖片放大 +4 我地食咗一個好 dry 嘅沙律, 燒魚跟埋薯仔, 牛尾, 好大舊嘅包, 仲有誤叫咗兩樣基本上係一樣嘅嘢... 就係菇... D 嘢份量都唔細... 坐室外本身就好正嘅... 唯一嘅問題係喱度好多蜜蜂.... 我唔驚蜜蜂, 不過一路食一路係咁飛埋黎都幾困擾.... 去廁所嘅時候仲見到有隻 D 腳勁長嘅蜘蛛 tim...... 點擊圖片放大 +6 食飽飽繼續行, 大街好多店都好有特式~~ 行遠 D 就到咗聖家羅馬教堂 (Parafia rzymskokatolicka Najświętszej Rodziny), 喱間教堂唔算大, 不過入面都幾靚~~ 點擊圖片放大 +8 再行有基本上我地就係咁憑感覺沿住主街周圍行~~ 有 D 路屈入去又有 D 嘢睇下, 之後返轉頭, 有個位可以行入去河畔市場, 有 D 小店賣手信同一 D 手工藝品, 我買咗幾個雕咗花嘅木盒仔~~ 行完我地就再周圍 hea 行, 再慢慢行返屋企喇~~ 點擊圖片放大 +11 沿途經過超級市場, 入面有 D 香港未見過嘅物品, 我地買咗 D 蛋同菜返去加餸~~ 我仲買咗嘢食俾肥 B 狗做手信tim~~ hahaa~~ 點擊圖片放大 +2 返到酒店樓下, 我地喺個花園玩咗陣就返上樓喇~~ 由於喱兩日都零晨就要起身, 舟車勞頓.... 我地決定今晚敷返個靚 mask 早 D 休息, 聽朝早去搭纜車上 Kasprowy Wierch 行個靚山~~ 塔特拉山脈 (Tatra Mountains) 係好出名嘅山, 位於波蘭同斯洛伐克之間~~ 雖然我地會去嘅部分只係其中嘅一點仔.... 但係都好期待啊~~~ 點擊圖片放大