21 Sep 2015... Moscow 今日我地會去三聖修道院 (The Holy Trinity-St. Sergius Lavra/ Тро́ице-Се́ргиева Ла́вра), 要搭地鐵轉火車去謝爾吉耶夫鎮 (Sergiyev Posad/ Сергиев Посад)~~~ 我地喺地鐵站附近嘅 McDonald 買咗早餐, 就去搭地鐵喇~~ 嘩... 朝早返工時間嘅地鐵站人頭湧湧~~~ 喱度 D 人行得仲快過香港人呀~~ 點擊圖片放大 +2 去到 Yaroslavsky 火車站, 我地就去咗 counter 買飛喇... 買完飛出返去搵睇下邊度上車, 搵咗一陣子都唔肯定究竟係邊條 track.... 我地用 Google translate 問過幾個都係等上車嘅人, 最終搵到應該係我地要搭嘅火車, 仲有少少時間周圍影下相 tim~~ 臨上車前我地好穩陣咁再問多次職員, 9:20am 準時開車喇~~~ 點擊圖片放大 +3 上到車食咗俄版嘅 Double 豬柳蛋漢堡做早餐之後, 瞓下又醒下, 個幾鐘之後就到達謝爾吉耶夫鎮~~ 點擊圖片放大 到站之後我地想睇下回程嘅火車時間表先, 點知睇來睇去都唔係好睇得明 D 表... 又試下問人啦... 當然都係用 Google translate... 有個嬸嬸勁好人, 佢喺袋度拎咗本細細嘅簿仔出黎, 應該係火車時間表, 佢好想解釋俾我地知.... 但無奈地.... 佢一輪咀同我地講俄文.... 我地一個字都聽唔明.... 哈哈..... 我地喺估估下嘅情況之下... 應該大概都知時間係點.... 然後就唔理咁多去咗修道院先算.... 今日天氣好好啊~~ 出咗火車站見到有 D 地攤檔賣生果同花,又有幾個人着住迷彩衫喺度唱歌夾 band.... 站附近仲有好大個靚靚花槽~~ 點擊圖片放大 +3 行去修道院嗰條路有好多大樹同落葉, 巧有意境架~~ hahaa~~ 行咗一陣已經離遠見到白色藍頂嘅三聖修道院喇~~ 再行會經過一條路兩邊都有 D 舖位賣嘢嘅, 都係一 D 工藝品多, 俾我地見到一個好靚嘅 "吸吸娃", 忍唔住買咗..... hahahaa..... 之後仲見到有個嬸嬸用個好似好簡單嘅機器織緊嘢 tim~~ 點擊圖片放大 +6 由火車站行過黎大概 15-20 分鐘就到三聖修道院喇~~ 喺出面已經見到勁多人~~ 我地喺對面嘅 information centre 買入場券, 要喺入面影相要另外俾錢, 仲有隻 CD 俾埋你 tim.... 佢寫住係 choir 黎嘅.... 點擊圖片放大 喺出面影咗幾張相, 就入去修道院喇~~勁多人呀! 不過淨係個入口經已好靚, 天花同牆身都有好多壁畫~~ 點擊圖片放大 +3 入面嘅建築物外牆都好靚, 有 D 畫咗花花圖案, 有 D 用咗粉色系~~ 我地喺 Refectory Church (斋堂教堂) 出面嘅一幅牆前面玩影意境相都玩咗一陣子... hahaa.... 斋堂入面都幾大同幾靚, 有好多壁畫, 其實個 feel 有 D 似皇宮入面嘅裝修~~ 有個位置俾人祈禱同點蠟燭, 另外有個好金碧輝煌嘅 area 睇得唔入得, 有幾層一格格嘅人像畫~~ 點擊圖片放大 +7 我地出返室外, 圍住有聖三一教堂、鐘塔、聖母安息大教堂、聖靈教堂, 中間仲有個聖水池~~ 我地喺水池附近玩自轉拍片.... 勁低 B.... 但係好好笑.... hahaa.... 仲試咗聖水 tim~~ 點擊圖片放大 +5 聖母安息大教堂入面又係勁靚~~ 樓底非常高, 所有牆, 柱同天花都滿晒畫像, 加上 D 窗滲入黎嘅天然光, 同教堂嘅神聖感覺融為一體~~ 裡面仲有聖人嘅棺木, 有好多當地人向住棺木祈禱完之後都會錫一下副棺架.... 點擊圖片放大 +6 我地喺度逗留咗大約兩個鐘就走喇~~ 沿路行返去搭火車出返市區~~ 點擊圖片放大 +4 係時候食咗飯先喇~~ 我地無意中見到一間幾靚嘅餐廳, 有 outdoor 坐位, 我地就坐低咗喇~~ 喱間餐廳主要都係食西嘢~~ 味道都唔錯~~ 個廁所仲幾靚 tim~~ hahaaa 點擊圖片放大 +8 本身有諗過去基督教教世主大教堂 (Cathedral of Christ the Saviour/ Храм Христа Спасителя), 但時間都唔早, 去到都閂 lu~~ 最後決定去 Arbat street (阿爾巴特街)~~ 搭地鐵中途經過一個好出名嘅站, Ploshchad Revolyutsii (革命廣場站/ Пло́щадь Револю́ции), 係有隻傳聞摸咗會帶黎好運嘅狗銅像, 本身我地已經諗住最後再返黎 Moscow 嗰陣先會去遊地鐵河, 影出名靚嘅莫斯科地鐵站, 既然咁啱經過, 我地就落一落車影咗相先~~ 原來站入面唔止一個狗銅像, 但個個都俾人摸到個狗咀變咗金色, hahaa~~ 見到當地人就算匆匆忙忙行過都會摸一摸, 我地當然唔執輸, 都要摸返幾下啦~~ 點擊圖片放大 出咗地鐵站, 跟住 google map 行好快就到咗 Arbat Street 喇~~ 嗰度有好多街頭藝術者~~ 有唱歌嘅, 又有好多畫畫嘅~~ 街嘅兩邊有好多餐廳同手信店~~ 成條街好長, 中間仲有 D 車仔檔~~ 我地行下行下就行到天黑喇~~ 去到街尾附近行埋超級市場, 嘩... 賣酒嘅區好壯觀呀~~ 之後就返 Apartment~~ 點擊圖片放大 +18 因為我地搭零晨 4:45am 機過波蘭嘅 Warsaw, 即係兩點幾要起程去機場, Apartment 超好, 俾我地 keep 行李 keep 足成日, 我地搵 Apartment 幫我地 book 咗車, 因為時間尚早, 我地借 Apartment 個洗手間洗個面之後, 就拎埋 backpack 又過隔離餐廳幫襯~~ 叫咗少少嘢食, 大家一齊睇下康熙來了, 又玩下低能 game “Actionary” (猜猜畫畫動作版), haha.... 磨到夠鐘就返過隔離上車去機場喇~~ 點擊圖片放大 +2 莫斯科有三個機場, 我地黎嗰陣喺 SVO Airport 到步, 今次喺 VKO Airport 飛, 搭 Air Baltic~~ check-in 嗰陣條龍好長... 等咗勁耐先有 staff 黎 counter... 仲要慢到嘔 tim..... 我地要搭差唔多兩個鐘, 喺 Riga 等個零鐘轉機, 再搭個幾鐘就會到 Warsaw 喇~~ 要平就唯有轉折 D 啦.....