20 Sep 2015... Moscow 今日我地第一次喺度搭地鐵, 由於俄羅斯人啲英文真係有限得好緊要, 要同當地人溝通真係要施展渾身解數, 淨係買飛搭地鐵, 我地有我地講英文, 職員有職員講俄文, 但係奇怪地, 唔知點解最終大家又好似溝通到, hahaha.... 成功買飛, yeah!! 俄羅斯啲地鐵好多站都好深, 所以好多扶手電梯都超長~~ 今日第一站就係去嘅係Izmailovsky Market (Partizanskaya 紀念品市場), 我地跟書仔指示搭 metro 去到 Cherkizovskaya (Черкизовская) 站, 出咗之後開住 google map 行啦, 點知好多路都好似行唔到咁.... 我地誤入咗一個商場仔... 完全唔覺有路通到出去... 於是唯有周圍問人, 有 D 人都唔知喺邊... 最後問咗幾個人, 有人指咗個方向叫我地行.... 但係嗰條路係整緊嘅地盤爛路.... 除咗我地之外完全冇人行.... 好在.... 最終都俾我地搵到個 market..... 點擊圖片放大 +14 可能因為仲早, 我地去到嘅時候有好多鋪頭都未開, 非常冷清.... 於是我地就搵嘢食咗先, 無意中比我地搵到一間小店, 應該係一家人開嘅, 雖然佢地唔識英文, 但係我地用body language 都溝通唔到, 哈哈~~ 我地食咗 D 餃同酥皮角嘅東西, 都幾好味喎~~ 店主媽媽同兩個囡囡都非常友善, 我地仲同咗細囡影相 tim~~ 點擊圖片放大 +5 由於好多檔口都仲未開, 我地就周圍行下, 喺 market 嘅另一邊有個地方都幾靚, 好多特別嘅建築物, 有一座建築物前面有張長木櫈, 我地見個背景咁靚, 拎咗個腳架仔出黎玩自拍, 就係咁我地自娛得非常開心.... wakakaaaa 點擊圖片放大 +12 之後我地就去行 market 喇, 喱度勁多 “吸吸娃” 呀!!! (即係俄羅斯最出名嘅套娃, “吸吸娃” 係我地自創嘅名... hahaaa), 好多檔都淨係賣吸吸娃, 咩造型都有, 價錢個 range 都好大, 手工靚 D 嘅都要幾百蚊架, 再貴 D 都仲有, 當然有 D 冇咁靚嘅都可以好平~~ 真係睇到眼花繚亂.... 點擊圖片放大 +3 另外有一邊專賣 D 古董嘢, 好似 D 夜冷舖咁, 乜都有 D 咁.... 成個 market 都真係好大, 如果仔細行應該可以行大半日.... 不過因為我地出發前已經買咗飛晏晝 1:00pm 要去睇馬戲表演, 所以要趕住走..... 好明顯我地唔夠時間買嘢啦.... hahaaa.... 我地最後返香港都會返黎 Moscow 留多一日先走, 我地決定臨走會再黎翻兜!! 點擊圖片放大 +6 由於黎嗰陣條路太轉折, 地鐵站又唔近... 我地決定搭的士去馬戲團場地 - The Great Moscow State Circus, 喱度搭的士基本上都唔係睇咪表... 純粹同司機講價..... 去到馬戲團, 好多人呀~~ 去廁所都排晒長龍, 我地買嘅飛係坐 green zone, 大概 HKD300, 估唔到個位都幾前~~ 我地今次睇嘅係 Festival IDOL 2015, 成個 show 做成三個鐘都有, 堅係抵睇, 因為我地都覺得好精彩!! 一般嘅空中飛人、小丑、雜技當然有啦, 動物方面有犀牛、老虎同狗, 另外仲有其他驚險嘅表演, 堅睇到好緊張~~ 不過個 show 真係有 D 長... 睇到好攰呀.... 點擊圖片放大 +10 睇完馬戲, 我地跟住人潮行去搭 metro, 去返酒店附近食嘢, 間餐廳直頭喺我地 Apartment 隔離, 係 Apartment 姐姐推介嘅~~ 環境同食物都唔錯啊~~ 仲幾好坐 tim~~ 點擊圖片放大 +8 因為日子同場次就唔到嘅關係, 我地要喺同一日睇兩個 show.... 除咗馬戲, 俄羅斯另一樣好出名嘅就係芭蕾舞喇~~ 我地睇嘅係經典嘅 Swan Lake 呀~~ 7:00pm 開場~~ Bolsohi Theatre 出面同入面都幾靚, 有個地方係俾幫人 keep 褸嘅~~ 職員會俾返一個好靚有 number 嘅牌你, 睇完憑牌取褸~~ 我地買咗山頂位 3rd balcony, 2nd row, 都要 HKD600 呀.... 睇就睇到嘅... 但都要烏前少少同避人頭.... 點擊圖片放大 +3 我地終於明白點解 D 人可以著晒吊帶咁入去, 因為入面係熱到爆同焗到癲.... 我仲要著住長袖有毛圍衣... 堅熱到鼻塞.... 好似一D 空氣都冇咁, 我忍唔住要紮起 D 頭髮同用紙 “潑” 涼..... 中場休息嘅時候, 我同 Lala 出咗去室外抖抖氣, 嘩!! 新鮮空氣呀~~~ 雖然出面有 D 凍, 但都好過喺入面冇空氣咁.... 今次係我第一次睇 ballet 嘅 show, 都幾好睇, 佢地真係跳得好厲害!! 值得一睇!!! 點擊圖片放大 睇完我地喺 Theatre 出面影咗陣夜景, 之後返靚靚 Apartment 食宵夜.... 公仔麵!! Yeah!!! 點擊圖片放大