19 Sep 2015... Moscow 今次搭 Aeroflot (俄羅斯航空), 因為未搭過, 所以買機票之前做過 research ,原來喱間航空公司唔差架喎~~~ 仲要好抵, HKD3770 咋~~ 朝早喺機場食咗個麥當勞早餐，我地搭 11:05機，今次要飛十個零鐘，成程機仲有兩餐食 tim~~ 點擊圖片放大 +4 我地第一站係去 Moscow, 下晝 4 點幾到達 Moscow SVO airport , 一落機已經見到好多點併都唔知點讀嘅俄文..... hahaa... 入境之後佢有一張紙俾返我地, 張紙上面名字嗰欄打俄羅斯文, 我地估計應該就係我地個名嘅俄文喇~~ 之後我地就搭的士去 Apartment~~ 出發前我地喺淘寶淘咗一人一張俄羅斯 data 卡, 真係十個讚!!! 即插卡即用~~ 仲非常順暢 tim~~~ 點擊圖片放大 我地住嗰間係 Mama Ro Apartments at Chistye Ponds, Moscow. 大概每晚HKD1000/room~~ 職員係兩個講流利英文又靚又型嘅姐姐~~ 間房超正呀~~ 首先係佢個投射大螢幕，可以用自己部 iPhone 或者用佢地提供嘅 iPad 播嘢睇~ 好高科技呢!! Apartment 入面有一張沙化床, 有廁所 + 浴室, 同一個小型 mini bar + kitchen, 仲有條樓梯可以上去閣樓, 閣樓就係一張雙人嘅床辱~~ 呢間 Apartment 真係一流!! highly recommend 呀~!!! 點擊圖片放大 +6 我地問咗職員附近有冇 D 地道嘅俄羅斯菜可以試下, 靚姐姐介紹咗一間話係 traditional 嘅俾我地, 行過去都唔係好遠咋, 係一間有室內同室外嘅餐廳, 我地坐咗出面~~ 點擊圖片放大 +3 我地叫咗一個紅菜頭湯, 仲有一個唔知咩湯, 係店員介紹話係 traditional 嘅，另外再叫左個肉串, 一個唔知咩批, 同埋餃子~~ 啲嘢食味道一般, 普遍黎講都係鹹..... 不過間餐廳就幾好 feel~~ 點擊圖片放大 +6 食完飯我地就沿路行返靚靚 Apartment 喇, 返到去梗係要善用一下 D 高科技設施, 一齊睇下我地幾個都鍾意睇嘅台灣嘅綜藝節目 "康熙來了" 啦~~ hahaaa~~
