19 Jun 2014… 清境 > 台中市 喺冇乜點瞓過嘅情況之下，載我地去睇日出嘅車零晨 4 點幾就黎咗酒店接我地喇~~ 尋日book tour 嗰陣, reception 姐姐提我地要着夠衫, 因為朝早上山睇日出係非常之凍，但因為我地去嘅時候已經係夏天, 我帶去嘅衫全部都係薄嘢同短褲, 唯一一條長褲都係勁薄嘅質地, 不過佢話 tour 會有厚褸借俾我地嘅.... 我地上車之後, 架車仲會去其他酒店接埋其他人，最終全車都係女仔，司機叔叔借咗褸俾我哋, 但都真係堅凍.... 架車一路上山, 中途司機有問過大家有冇唔舒服, 因為驚大家會有高山反應, 我收尾 check 返原來合歡山大概海拔 3200-3400 米, 好在得一個女仔話有少少唔舒服.... 去到某個點司機就停咗車, 由於出面實在太大風太凍, 所以我地出去影咗幾張相又再返上車度等, 嗰陣只見到個天有少少開始光~~ 再過一陣, 開始見到個太陽慢慢升上黎喇~~ 嘩嘩嘩!!! 真係巧靚呀~~~~ 因為個天有好多俾風吹到飄得好快嘅雲, 成件事加埋真係太靚喇~~ 幾凍都唔理, 落車係咁影係咁影~~~ 點擊圖片放大 +9 太陽出晒黎之後, 我地就上返晒車, 開始落返山, 去到某個點司機俾我地落車可以兜個圈同去下廁所, 嗰度個景都好靚啊~~ 見到雲海呀~~~~ 點擊圖片放大 +3 之後就車返各人返酒店, 返到去都仲好早, 襯住未有早餐食, 我地爭取時間眠一眠, 話晒尋晚都真係冇瞓過咁滯.... 喱間酒店嘅早餐四個字型容晒.... 無啖好食.... hahaa.... 介紹我住喱度嘅朋友一早已經同我講咗... 所以都冇期望.... 不過估唔到真係冇嘢食到咁.... 叫做有個靚 view 補返數啦.... 點擊圖片放大 +2 求其對 D 嘢落肚之後, 我地就去清境農場喇~~ 清境農場係今個 trip 嘅重點之一, 因為我好想親親草泥馬~~ 今日天氣勁好, 一入到去已經見到一片草原同山境, 即刻忍唔住要唱返句: “Yor Ku Lok Ku Lok He Hu~~ Yor He Hu De Yor Ho Ho~~~~” （係飄零燕呀~~ wakakaa) 點擊圖片放大 +3 好快就見到好多羊喇~~ 係有欄圍住嘅, 可以買飼料餵佢地 tim~~ 好得意呀~~~ 玩完一輪羊咩咩, 我地繼續周圍行, 有 D 地方見到 D 放養嘅羊, 完全可以同佢地零距離接觸~~ 基本上成個清境農場入邊都係綠色嘅草地, 有一個位有 D 風車, 再行遠少少終於見到我最想見嘅草泥馬喇~~ 不過係有欄圍住嘅~~ 數量比我想像中少好多, 同埋佢地都有 D “污joe”..... 佢哋仲好串 tim.... 叫極都唔肯過黎呀..... 點擊圖片放大 +15 行完清境農場之後我地就行返出去市中心, 我地去咗 “紙箱王” 食 lunch, 喱度所有嘢都係紙造架, 包括燈、櫈、裝飾、放柸個架... etc.... 都幾得意~~ 嘢食都 ok~~ 點擊圖片放大 +6 除咗紙箱王, 市中心仲有 D 店可以行下, 隔壁仲有個好似花園咁嘅地方, 我地兜咗個圈之後, 就行返一條好多花花草草嘅路落山, 中間仲有個位有洗手間同櫈可以小休一下~~ 點擊圖片放大 酒店幫我地車返 D 行李去我地將要搭客運嘅地方, 我地要搭兩個幾三個鐘車返過台中市... 當然又係瞓死咗..... 今次台中喱間酒店 Hotel Mi Casa 好近台中站, 間房都幾細, D 喼要喺門口玄關位先夠位開... 不過整潔嘅, 仲有個小露台 tim~~ 點擊圖片放大 +4 安頓好之後我地就出去搵 “宮原眼科” 食雪糕~~ 好勁呀喱度!! 勁多款唔同味嘅雪糕, 我地低估咗佢嘅份量... 一人叫咗柸三球... 仲有好多唔同嘅 topping 可以加... 實在係太過份喇.... wakakaaa~~ 喱柸嘢堅係飽到飯都唔駛食呀~~~ 點擊圖片放大 +10 之後我地就四圍行, 行去一中商圈，嗰度好熱鬧, 有好多檔攤, 仲有 D 細商場, 由於我地都冇乜 $ 剩, 睇啱嘢都唔夠 $ 買.... 所以搵咗間 7-11 用 ATM 拎多咗少少錢, 之後先再行返去睇過~~ 結果只係買咗件 tee~~ 點擊圖片放大 +4 跟住我地就行去搵香蕉新樂園茶飯館, 都幾遠.... 係咁行行行.... 點知去到已經閂咗門.... 佢話開到零晨 12:00, 但原來最後入場時間係 10:45pm.... 我地到嗰陣只係遲咗 5分鐘咋..... Oh No..... 冇計啦.... 我地再行多左陣, 大家都好攰喇..... 決定搭的士返酒店~~~ 點擊圖片放大 +3
