18 Jun 2014… 日月潭 > 清境 民宿嘅早餐正到不得了!! 好有住家嘅味道~~ 仲好豐富 tim~~ 食飽飽我地就去租單車~~ 今日天氣超好啊~~ 喱度嘅單車徑亦整得好好, 基本上一條路, 雖然我學識踩單車都只係喱兩年嘅事, 但都覺得唔難踩 (除咗有條木板路...)~~ 沿途風景都好靚啊~~ 一路踩會經過寫住日月潭嘅大石, 一條木板路, 喱段最驚... 因為 D 木板有少少郁... 條路又有少少窄... 不過其實喱段好短架啫..... 之後就會去到永結橋, 再遠少少就到向山遊客中心, 我地就喺喱度原路折返喇~~ 點擊圖片放大 +12 返到去市中心還咗車, 之後我地就行去碼頭搭船去唔同嘅地方, 中途仲喺 7-11 食咗柸北海道牛乳軟雪糕 tim~~ 點擊圖片放大 +4 第一站係玄光寺, 落船附近見到好出名嘅亞嫲茶葉蛋, 勁多人買呀~~ 我地當然都有買黎試下啦~~ 我地周圍行咗陣, 碼頭附近有 D 表演, 之後行上玄光寺兜咗個圈, 好快就行完 lu~~ 再返碼頭搭船過第二個點伊達邵~~ 點擊圖片放大 +13 伊達邵比較多嘢行, 有一條主街, 有好多店賣嘢食同手信~~ 我地買咗山豬肉大刈包, 又買咗兩柸嘢一路行一路飲~~ 仲買咗麻糬~~ 由於行行下落大雨嘅關係, 我地入咗 7-11 求其搵個唔阻人嘅位置企喺度快食咗個包, 都幾好味呀~~ 大街有幾間店賣 D 比較得意同特別嘅精品同嘢食, 買黎做手信一流!!! 點擊圖片放大 +13 行完我地就搭返船去日月潭碼頭再返民宿拎行李準備過清境, 本身出發前 check 咗有客運由日月潭去埔里, 再喺嗰度轉車去清境，點知無意中俾我地發現喺日月潭有 van 仔可以直接去到清境, 實在太好喇~~ 大約兩個鐘車程就到喇~~ 我地喺清境住嗰間酒店叫做雲頂渡假山莊 (Top-cloud villa), 係朋友介紹我 book 喱間嘅, 佢話個景好靚~~ 喱間酒店都唔平架, 係今個trip 入面最貴嘅一間酒店，大概HKD8xx 一晚, 酒店裝修以木為主, 房有露台, 確實係無敵山景!! 連廁所沖涼嗰個位都係透明玻璃, 可以望住個靚景黎沖涼~~ 點擊圖片放大 +4 我地出 reception 問咗姐姐，join 咗聽朝睇合歡山日出嘅 tour, 之後我地今晚都冇特別地方去啦喇, 諗住喺酒店房食我地之前買咗嘅杯面做晚餐，仲有晏晝買嘅麻糬做甜品~~ 點擊圖片放大 +7 天開始黑，點知惡夢就喺喱個時候開始...... 首先我地出咗露台諗住睇下個靚景... 點知見到有隻青蛙.... 喱個都並唔係最重點.... 最恐怖嘅係..... 一入黑之後唔知喺邊度飛黎好多好多好多嘅飛蛾.... OH MY GOD!!!! 我平生除咗曱甴之外，最驚就係蝴蝶同飛蛾類嘅物體..... 係勁驚嗰隻..... 多嘅程度真係好誇張，我哋閂咗露台嘅玻璃門, 都見到成塊玻璃滿晒咁滯.... 仲要唔知點解我地就算閂晒所有門窗，佢地都可以入到房入面.... 對我黎講堅係驚過 ”恐懼鬥室”..... 本身 Ceci 就唔係咁驚嘅, 但因為數量多同埋被我影響嘅關係, 佢都有 D 驚.... 我哋搵咗酒店嘅職員姐姐入黎, 佢用吸塵機幫我地吸走晒房入面嘅飛蛾，叫我地唔好開任何窗..... 佢話原來一入夏天嘅時候就會開始多，八月嘅時候會比起而家更加誇張.... 又話佢地由細見到大所以唔驚, 多數驚嘅都會係香港人.... mm.... 咁多真係好難接受呢...... 就因為咁.... 成晚總共叫姐姐幫我地吸咗兩次飛蛾.... 但其實仍然不斷唔知點解都係仲有.... 其實喱間酒店非常崇尚大自然, 所以係冇冷氣嘅.... 我地唔開窗其實有少少焗... 不過冇辦法.... 基本上訓係張床望住天花板都會有好多隻..... 唉.... 今晚點瞓呀媽咪~~~~?!...... 喺咁緊張嘅情況之下中途發生左一件好好笑嘅事，話說除咗飛蛾之外，基本上間唔屎都會見到其他品種嘅昆蟲.... 我哋見到一隻有 D 似甲蟲嘅物體喺地下爬行.... Ceci 知我驚, 亦為免夜長夢多.... 好勇敢地想幫隻嘢早登極樂, 但附近可以用嘅武器只有我對 Converse, 佢將隻鞋打隻嘢嘅時候, 中咗但應該未死.... 佢問我: “你介唔介意我踩你隻鞋?”, 我好快咁話: “絕對唔介意! “ 結果佢係咁踩我對鞋去殺死隻嘢.... wakakaaa.... 其實成件事真係好低能..... 就係咁.... 我地唯有用自己條 scarf 包住個頭..... 成晚我地就喺惶恐之中渡過...... 連去廁所都好似驚撞鬼咁... 因為要盡量唔好郁到任何嘢.... 免得驚動到佢地周圍飛..... 沖涼更加係極快速.... 今次真係貼錢買難受.... 返黎問返介紹我地住喱間酒店嘅朋友, 原來佢去嗰陣係冬天， 所以完全冇喱個問題, 各位如果夏天去真係要三思呀~~~~ P.S. 由於太驚所以完全唔記得影低壯觀嘅飛蛾景象....... 喱單嘢堅係畢生難忘.....
