17 Jun 2014… 台中市 > 阿里山 > 日月潭 今日要勁早起身呀, 基本上只係瞓得一陣.... 因為今日要長途跋涉去阿里山~~ 出發前 check 咗如果 book 車嘅話, 兩個人超唔化算, 最平嘅方法都係早 D 起身搭的士去台中火車站, 搭 5:52am 嘅火車去嘉義, 再轉搭客運 “台灣好行” 去阿里山, 喺台中要喺街截的士真係非常困難, 我地喺街等左一陣都見唔到有的士, 於是入咗 7-11 問職員, 佢地好好咁幫我地call 的士, 仲叫我地如果下次要搭的士最好都係入 7-11 搵職員幫我地 call 車, 唔駛額外收費架~~ 好在最終都趕得切搭火車!! 喱程要搭個幾鐘先到, 我地食埋尋晚買定嘅飯糰早餐之後梗係要眠一眠先啦~~~ 出咗嘉義火車站, “台灣好行” 個站就喺台鐵站前站公車處~~ 我地搭 7:10am 車, 成架大巴得幾個人搭.... 成程車行嘅路九曲十三彎.... 搭咗兩個幾鐘... 大概九點幾我地終於到咗阿里山喇~~ 勁大霧呀~~ 遠少少嘅景物已經睇唔到... 同埋都幾凍~~ 我地喺 Tourist Information Centre keep 低行李 (free 架!), 買咗柸熱嘢飲, 之後就搭森林鐵路列車去沼平車站~~ 架列車車廂同普通地鐵分別唔大~~ 點擊圖片放大 +6 一落車已經見到周圍都係樹, 環境都幾舒服~~ 我地跟住指示行, 中間經過巨木羣，姊妹潭，吊橋...etc... D 樹勁高, 真係好似入咗深林咁~~ 美中不足係行行吓落雨.... 要開住遮行... 亦變得更加凍.... 好在我地都有帶多件風褸出黎咋.... 點擊圖片放大 +18 行完之後我地喺神木車站搭返架列車出阿里山站喇~~ 嘩!!! 成個車站 full of 大陸人呀~~~~~ 基本上喺我地行山嘅途中已經周圍都係.... 又大聲又冇禮貌.... 唉..... 點擊圖片放大 出返阿里山站, 我地仲有時間去 7-11 寄 postcard , 嗰度有木製嘅 postcard, 仲有好多印仔玩 tim~~ 之前 check 咗我地係要搭員林客運 van 仔過日月潭, 賣飛嘅地方就喺 7-11 行過少少一個非常唔起眼嘅位.... 點知 2pm 班車已經 full 咗... 我地要等下一班車.... 早知到步嗰陣買定飛啦.... 基本上附近都冇嘢行, 我地唯有喺 7-11 出面坐住呆等..... 架 van 仔冇位放行李, 所以我地坐後 D 成程要 “磅” 住個喼唔俾佢碌走.... 落山途中出面個景都幾靚, 我地見到雲海呀~~ 靚!!!! 點擊圖片放大 +4 成程車要搭三個幾鐘, 兜咗個幾鐘山路之後, 有個中途站俾大家落車抖 15 分鐘, 嗰度有幾間店, 出面有好多大公仔~~ 點擊圖片放大 +5 終於到咗日月潭喇，我地住嗰間宿民係湖岸風情渡假旅店, 好好呀, 佢地有車黎接我地, 係私家車黎嘅, 原來間民宿好近我地落車嘅地方, 一條直路就到... 我地間房就喺地下嗰層, 好大呀~~ 仲有露台 tim~~ NT2500 一晚~~ 點擊圖片放大 +4 我地 hea左一陣就出去搵嘢食喇~~ 行返出去日月潭大街，我地揀咗一間小店食滷肉飯~~ 食飽飽已經天黑 lu~~ 我地喺大街四圍行下, 主要係 D 賣手信嘅店~~ 之後行過碼頭, 應該就係聽日我地要搭船嘅地方~~ 我地仲買咗紅茶味嘅雪糕, 喺碼頭側邊有得坐嘅位置慢慢嘆~~ 坐咗一陣之後就慢慢行返民宿喇~~ 返到去仲可以睇 ”康熙來了” tim~~ yeah~~ 點擊圖片放大 +8
