16 Jun 2014... 台中市 今次係第一次幫襯 HK Express, 亦係事隔 6 年再同 Ceci 兩個去旅行~~ 我地搭 11:30am 機, 冇 delay 喎, 不過程機有少少 “dun”~~ 點擊圖片放大 點幾鐘就到咗台中機場喇, 聽我家姐講, 喺台灣用 ATM 提取台幣, 就算計埋 charge 個 rate 都會好過找換店, 所以我地去到機場 ATM 機排隊, 條龍都郁得幾慢.... 好在都唔算好多人~~ 有$ 喺手, 之後我地就去中華電信買 data card, NT300/ 5 days 無限上網, 仲有少量當地通話分鐘~~ 攪掂之後我地就行去搭統聯客運150 出市區, 落車之後就搵路去我地住嘅 Grando Hotel, 間嘢都唔算易搵, 要行 D 內街先到, 類似民宿, 地方唔大不過乾淨企理~~ 點擊圖片放大 +6 放低嘢之後, 我地就出發去新光三越，本身諗住去春水堂食 D 嘢, 嘆返柸珍珠奶茶, 點知去到見寫住裝修所以唔開.... Oh no...... 好肚餓呀.... 好在有 food court, 我地食咗個芝士蛋包飯頂住先!! 點擊圖片放大 之後就去附近嘅大逢甲商圈搵富發牌間店, 我地喺度 “玩” 咗勁耐呀~~ 哈哈!!! 不過收獲唔多.... 點擊圖片放大 +3 玩完天都開始黑喇~~之後我地就去逢甲夜市掃街, 喱個夜市都幾多嘢食, 我地食咗炭燒霜降牛, 懶人蟹, 買咗柸嘢飲, 仲食咗芋圓豆腐花, 其實已經飽飽地.... 之後我地喺逢甲商圈四圍行, 雖然有好多賣衫嘅店, 但都睇唔啱, 睇得啱嗰 D 就唔平... 所以冇收獲~~ 最後我仲食埋想試好耐嘅大腸包小腸 tim~~ 其實係糯米包住條腸, 都幾好味, 不過好飽肚..... 點擊圖片放大 +12 行飽食飽我地就返酒店喇, 我地仲喺 7-11 買咗兩個布丁返去夜 D 慢慢嘆~~ hehee 由於今次係我第一次買數據卡用嘅關係 (之前咁多次都係用酒店電腦上網 or wifi 咋..)... 我做咗樣好白痴嘅嘢.... 就係當我換咗張卡啦... 咁開 whatsapp 喇喎... 佢會問一句你係咪用新喱個號碼去繼續 whatsapp 啦... 我 click 咗係... 就係咁... 我 whatsapp 裡面個 contact 冇晒.... 好在.. 我臨出發之前嗰晚心血來潮將部電話所有嘢用 iCloud backup 咗... 我唯有首先 send 晒今日用電話影嘅相俾 Ceci 先, 之後剷咗部機, 再喺 iCloud 拎返最新嗰個 backup 出黎... 跟住就麻煩 Ceci send 返晒 D 相俾我... 唉... 攪咗勁耐呢.... 下次唔會再咁 "醒" 架喇我.......
