30 Mar 2014... Ho Chi Minh City 今日係越南之旅最後一日喇~~ 晏 D 就會搭 6:30pm 機返香港 lu~~ 今日去聖母大教堂 (Nhà thớ Ðức Bà Sài Gòn) 同中央郵局(Bưu điện Thành phố)一帶, 教堂都幾靚, 而郵局入面都幾靚, 我仲喺嗰度買咗支越南姐姐造型嘅香水俾媽媽 tim~~ 我地仲喺郵局買咗郵票, 寄埋 postcard, 郵局出面仲有著住越南衫嘅姐姐, 我地仲同佢影相~~ 黎咗咁多日我地發現越南真係冇乜肥人, D 女性都好窈窕架!! 點擊圖片放大 +11 我地喺附近是但搵咗間餐廳食 lunch, 食西式少少嘅嘢~~ 之後就去食出名嘅 Kem Bạch Ðang 椰子雪糕, 都搵咗一陣先搵到間店, 雪糕店有兩層, 我地行到身水身汗, 一於一人一個椰子雪糕!! 都幾大個，原隻椰子上, 除咗雪糕仲有好多生果~~ 點擊圖片放大 +10 食完再去安東市場, 點知我地入錯咗安東廣場.... 同廣州十三巷批發冇分別..... 但真正安東市場原來都冇乜野行.... 由於我帶黎嘅旅行喼(我哥哥的)尋晚執嘢嘅時候出咗問題..... 就係閂極都有條罅..... 咁樣寄倉返香港嘅話絕對係爆硬.... 於是我決定今日買到喼就買喼, 買唔到就買卷封箱膠紙頂住先... 好在喱度有得賣咋~~ 點擊圖片放大 +2 買完正經嘢, 我地見仲有時間就去埋戰爭博物館~~ 門口有幾架飛機同坦克, 入面都幾大, 有好多以前戰爭用嘅武器同相片, 睇到個人心情好 down..... 點擊圖片放大 +13 參觀完我地喺附近飲左柸野 hea 咗陣, 就返 ”五星級的家” 拎行李去機場返香港 lu~~~ 點擊圖片放大 +3 ... END ... 後記： 1) 好掛住河內嘅珍多冰味同椰子味雪條啊~~~ 有機會再去嘅話一定要怒食!!!! 2) 越南比我想像中先進同乾淨, D 人都好 nice 呀~~~
