28 Mar 2014... Ho Chi Minh City 今朝一早起身, 去頭頓耶穌山~~~ 去巴士公司買左車飛,要搭兩個幾鐘車先到~~ 搭車最好梗係瞓返陣啦... 俾佢地偷影咗我半吊訓覺嘅絕技.... hahaaa 點擊圖片放大 +3 落車嘅地方望落都幾荒蕪... 一邊就係我地要上嘅耶穌山, 另一邊望出去係海~~ 上到最高耶穌像嗰個位一共要行八百幾級樓梯..... 為咗”朝聖”, 加油呀!!! 成個地方都唔多人, 喺曬到爆嘅天氣之下, 真係熱死人地個女呀.... 一路行都有好多聖經入面故事嘅像, 我地行下抖下, 又周圍影下, 終於都到咗耶穌像喇~~ 未去到巴西個耶穌山, 黎喱個止下渴先啦... hahaa~~ 個像其實唔算好大, 基本上兜個圈就睇完.... 之後我地喺嗰度嘅士多買雪條食, 喺高處望返出去個景都幾靚架, 除咗海景仲可以遠望女神島~~ 點擊圖片放大 +23 之後我地就回程去檳城市場, 我地喺附近嘅 PHO24 餐廳食 lunch, 食嘅嘢都係大同小異... 河粉啦... 札肉啦...春卷粉卷... 今次仲叫咗個飯 tim~~ Lala 叫咗個越南咖啡, 好香啊.... 係有個銀色器皿喺個柸上面, 慢慢滴漏出黎~~ 點擊圖片放大 +7 食飽就行檳城市場喇~~ 入面乜都有得賣, 除咗嘢食, 仲有袋, 食具, 鞋, 乾貨... etc.... 我地喺嗰度飲咗柸珍多冰, 就咁飲柸嘢都仲有茶送... 本珍多冰味道同香港飲到嘅唔同味, 唔係好甜, 正呀!!! 點擊圖片放大 +3 之後我地買左札肉同兩隻糉嘅物體做今晚嘅晚餐, apartment 有個咁正嘅 open kitchen 梗係唔好嘥啦!! 返到五星級的家, 我地煎咗 D 札肉, 整返熱嗰兩條糉, 仲有一人一個柸面 + 越南beer, 正呀!! 越南札肉真係堅好味, 咬落去係爽口架!! 至於嗰兩隻糉就一般啦~~ 食飽飽當然都係喺大露台 hea 陣啦~~ 聽日 join 咗湄公河 tour, 有得坐船仔, 期待~~ 點擊圖片放大 +4