27 Mar 2014... Hanoi > Ho Chi Minh City 又係食酒店豐富早餐嘅時候喇~~ yeah!! 經過尋日嘅經驗, 我地都係再食奄列喇... 今日食咗湯粉同糖心蛋!! 正呀!! 食完我地就拎行李落 lobby check out, 由於我地買唔到郵票嘅關係, 我地問咗酒店職員可唔可以幫我地寄 postcard, 佢話可以, 我地俾埋郵費佢就安心搭的士去機場, 搭 11:40am 機 (Vietjet) 過胡志明市喇~~ (最後我地完全收唔到由河內寄出嘅 postcard.... 實在太過份喇..... ) 搭兩個零鐘機, 差不多兩點到達胡志明市~~ 到步後我地就搭的士去 apartment, 一路去嘅途中感覺上好似好偏避咁... 終於到咗我地住嘅 Lafayette de Saigon Serviced Apartmen 喇~~ 有職員帶我地上房, 嘩!!! 間屋超大呀!! 有個大露台, 兩房兩廁, 仲有大廳+ open kitchen, 我地不禁喺職員面前都忍唔住嘩出聲~~ hahaaa... 除開每人每晚around HKD360, 間屋咁正, 堅有 D 唔想出街... hahaaa 點擊圖片放大 +11 hea 咗一陣子, 我地就搭的士去范老五區 (Phạm Ngũ Lão), 我地是但入咗一間餐廳食 lunch, 今日食檬粉, 仲炒咗碟菜, 叫咗個米紙包住 D 粉 & 菜嘅卷~~ 點擊圖片放大 +3 食飽飽我地就去一間 travel agency - The Sinh Tourist, book 後日去湄公河嘅 one day tour~~ 攪掂之後就開始周圍行街喇~~ 胡志明喱邊同河內一樣, 都係周圍都勁多電單車... 我地喺范老五一帶 hea 行, 嗰度都有 D 賣特別 design product 嘅店, 有一間店成間都賣 D 印咗落去類似再造紙嘅電影或者卡通人物 poster, 一箱箱放喺地下, 我地揀咗勁耐, 直頭老世俾埋櫈仔我地坐喺度慢慢揀.. hahaaa... 我地幾個都有收穫~~ 點擊圖片放大 +6 行完范老五, 我地搭的士去搵書仔介紹嘅 Zen Plaza, 落咗車之後我地入咗一間酒店問路加借廁所, 終於行到去 Zen Plaza, 結果.... 被 “fake”, 個商場係完全冇嘢行....連舖頭都冇乜.... 早知唔去啦.... 不過都好彩, 誤打誤撞俾我地行咗去一個攪緊類似旅遊美食節嘅地方~~ 出面好似舉行緊拳賽, 好熱鬧呀~~ 成個場地好大, 有好多賣嘢食嘅攤檔, 我地買咗雪米糍食, 味道一般~~ 點擊圖片放大 +12 個場地本身唔知係唔係公園呢?! 因為每行幾步就有 D 公園健身設施, 無聊嘅我地咁都可以玩一餐~~ hahaaa~~ 之後行到一個露天有好多枱櫈嘅地方, 可以自己周圍買完嘢食搵個位坐低慢慢嘆~~ 我地買咗 D 串燒, 一條燒魚, 一碗炆牛腩嘅物體, 仲有椰汁千層糕, D 嘢食都唔錯啊~~ 我地緊嘅途中, 見到有人攪事, 有條友勁大聲唔知做咩, 又打爛人地檔口 D 野, 之後有 security 黎咗, 事情發展如何我地就唔知嘢喇.... 點擊圖片放大 +15 我地喺附近 7-11 買咗 D 柸麵, 嘢飲同零食, 之後就搭的士返去我地嘅 ”五星級的家”~~ Apartment 真係堅正!! 我地沖晒涼喺大露台吹水, 爽呀!!
