26 Sep 2014... Hanoi 朝早起身落酒店下面食早餐, 個早餐超正呀!! 有員工會過黎幫你落 order 食 D 乜, 但係係任食架!! 我地叫咗一個湯粉, 多士, pancake, 奄列, 個奄列勁大個呀, 滯到呢.... 點擊圖片放大 +5 食飽飽我地就搭的士去西湖與竹帛湖 (Hồ Tây, Hồ Trúc Bạch), 落咗車好似好荒蕪咁.... 湖嘅隔離就係鎮國寺(Chùa Trấn Quốc), 個寺入面有好多中文字架, 又有好多塔, 間寺唔大, 所以好快就行完喇... 其實喱邊個人覺得可以唔駛特登黎.... 因為原來冇咩好睇.... 之後我地再喺附近兜左陣, 見到有條小路有兩間裝修得幾靚嘅 cafe 餐廳~~ 附近都真係冇嘢可以再行喇... 我地唯有搭返的士出市中心, 諗住去聖若瑟教堂~~ 點擊圖片放大 +16 落車之後行行下見到有間上樓嘅 T-shirt 店, D tee 都幾靚, 質地都唔錯, 絕對唔係街邊貨色, 我買咗件俾老豆~~ 終於行到教堂喇,外觀都幾靚,喺教堂隔離有 D 街邊店,全部人坐喺矮櫈仔度飲嘢,好地道呀~~ 點擊圖片放大 +5 再行見到一間好大嘅餐廳,我地決定喺度食lunch~~ 其實喺越南食好多野都係差唔多味,因為都係米紙,配料又係嗰幾樣, 仲有檬粉...etc... 今次個米卷嘅物體唔駛自己捲, 有姐姐幫我地捲埋架~~ 喱間餐廳都幾多人食, 有好多都係遊客 tim~~ 點擊圖片放大 +9 食飽飽我地就行返出去市中心,見到有檔賣雪條我地又試下新嘢, 結果同尋日嘅椰子雪條 & 珍多冰味雪條簡直係冇得比呀!! 最後我地再返去尋日間雪條店再食多次~~~ yeah!!! 點擊圖片放大 之後我地就去睇水上木偶戲喇~~ 都好多人睇喎~~ 佢 D 飛冇劃位, 我地都坐得幾前~~ 成個表演幾得意,成個台都係水, 好多公仔喺水入面郁來郁去, 又坐船又有少少特效, 台嘅旁邊有樂隊即場奏樂,當然我地聽唔明越南話, 亦唔會知晒個故事講咩, 但都唔覺得悶~~ 點擊圖片放大 +15 睇完又係食嘅時候喇~~ 我地去搵書仔介紹嘅地道街邊檔食海鮮, 真係非常地道, 感覺其實係有少少烏 joe 嘅.. 不過尚可接受~~ 全店冇人識英文, Lala 唯有用晒所有方法, 指手畫腳,電話 show 圖片咁去叫嘢食~~ 我地食左蟹,螺,蝦,菜, 仲有炒粉, 不過都唔平呀~~ 點擊圖片放大 +11 返到酒店大家各自做自己嘢啦... 勁好笑, 返咗去半個鐘有多我地先發現床上面有個心型盒同一封信... 原來係酒店放左幾粒啫喱仔同一封感謝信嘅物體俾我地... 只能說我地幾個都發雞盲... hahaaa 點擊圖片放大