25 Mar 2014... Hanoi 今次我地搭 2:30pm 機坐 Vietnam airline 去河內 (HKD$1760), 搭兩個鐘左右, 當地時間 3:30pm 到達, 出發前我地 search 過關於簽證嘅問題, 自己攪係比較麻煩, 所以經過格價之後, 我地搵咗一間叫 “度身假期” 嘅旅行社幫我地整個簽證, 費用 HKD550~~ 我地到步喺機場唱越南盾, 好大疊錢呢..!!! 唱完 $ 我地就搭的士去我地住嘅 Art Trendy Hotel~~ 酒店喺一條都幾繁榮嘅內街, 門面細但望落都唔錯, 職員都好 nice, 仲有welcome drink 同生果 tim~~ 我地間房唔算大但整體都唔錯~~ 有一張 single bed 同一張 double bed~~ 點擊圖片放大 +9 安頓好之後開始出去市中心行下, 勁多電單車.... 過馬路堅驚呀!!! 第一個去嘅地點係環劍湖 (Hồ Hoàn Kiểm), 好舒服同感覺好浪漫嘅一個地方, 個湖都幾大, 圍住都好多人喺度坐, 湖中間有個唔知咩建築物, 著晒燈咁.... 本身我地想去埋聖若瑟教堂, 但都天黑喇又搵唔... 所以放棄... 聽日再去~~ 點擊圖片放大 +10 之後我地就行去搵一間雪條店, 出名賣珍多冰味同椰子味雪條, 果然好好味呀!!! 雪條店附近都幾繁華, 有大型 building 同名店~~ 點擊圖片放大 +2 繼續返去圍住個湖行, 之後就搵地方食飯喇~~ 誤打誤撞去咗間好好 view 嘅樓上餐廳~~ 有outdoor 望到成個湖, 食越南fusion 菜, 我地叫咗個沙律, 炒菜, 串燒...etc... 仲有個要自己包嘅野食, 係用米紙包 D 肉+ 配菜, 都幾好玩.. hahaa~~ 生平第一次食八十九萬五千蚊嘅飯!!! 不過係越南盾.... 為返都係 around 港幣 $330... hahaaa~~ 點擊圖片放大 +16 食完飯之後, 我地就沿住一條好多店嘅街行去酒店介紹嘅一間 massage 店諗住揼個骨, 中途好多手信店, 原來喱邊有好多天天嘅 product 架喎~~ 我地見到街邊有檔賣 D 舒服嘅花花褲, 經過上之柬埔寨之後, 我地愛上咗著喱 D 褲... hahaaa, 我地完全唔理世人嘅目光, 周街喺度試褲, 結果買左兩條, yeah~~ 點擊圖片放大 +6 間 massage 店裝修都幾靚, 手勢都 ok, 揼完個靚骨, 我地就返酒店 lu~~ 點擊圖片放大
