04 Jul 2009... 今日係最後一日喇~~ 我地都係 8 點鬆起身, 食埋酒店早餐, check-out 加放底埋 D 行李, 大概9 點幾 10 點出發, 第一度要去嘅係 China Town, 其實第一日都去過, 不過今次係想去下間廟同買老牌藥油~~ 我地到最後一日都仍然未有機會得閒去試下行過地鐵站, 因為經過第一日嘅教訓之後, 都係唔好再亂黎喇~~ 搭的士把啦…. 所以我同家姐都覺得如果唔係間酒店咁唔就腳, 下下要搭的士, 我地成個 trip 唔駛HKD $4000 tim ar!! 話咁快就到喇~~ 司機叔叔話我地知原我地去嗰間新加坡佛牙寺花龍華院(Buddha Tooth Relic Temple and Museum)嘅隔壁有一間象廟, 仲有一間另一樣宗教嘅廟, 又幾得意喎~~ 幾個唔同宗教放埋喺同一條街~~~ 間廟都幾大幾靚~~ 我地因為著住短裙, 唔知入唔入得, 問下個詢問處先啦, 原來對面入口嗰度有好多巾俾人地拎黎圍住嘅~~ 勁長勁大條~~ 我地圍好之後, 有個職員教我地可以搭 lift 上去參觀, 係免費架~~ 佢架 lift 入面都好靚喎~~ 用有繡花嘅布圍住架~~ 我地上咗最高嗰層先, 嗰度有個好似禮堂咁嘅室, 有塊大玻璃封住咗個好似用黎裝舍利子嘅台, 隔離有個電視影住嗰粒嘢, 都好大粒架喎!! 除咗我地之外, 嗰度仲有幾個應該係當地人啦~~ 個女人見我同我家姐應該係遊客, 就好熱情咁解釋俾我地知, 原來我地以為係舍利子嗰粒嘢, 並唔係舍利子, 係個佛隻牙黎架~~ 唔怪得咁大粒啦~~ 而喱間廟起名為佛牙寺都係咁解喎~~~ 真係佢唔講我地都唔知呀~~ 佢仲勁熱心咁叫我地過去個僧人度等佢幫我地祈福tim…. 拎埋個利是封話俾少少心意個僧人就 ok…… 我咪同佢講唔駛喇, 我地唔係喱個宗教lor….. 之後繼續參觀, 有 D 室就放咗好多佛像, 有個室就全部都係放舍利子, 原來有分唔同身體部位嘅舍利子就唔同樣架~~ 都幾新奇, 基本上所有部位都有, 好似腸, 頭髮, 皮膚, 腦, 血管….etc… 基本上講得出嘅部位都有, size 同顏色都唔同架~~~ 點擊圖片放大 +12 參觀完佛牙寺之後, 隔離嗰條街就已經係我地想買老牌藥油嗰條街喇~~ 間店叫馮滿記, 可能真係好好, 因為我見所有新加坡旅遊書都有介紹, 我地買咗回春膏(for皮膚), 荳蔻膏, 鎮痛膏, 仲有 “和術油” (唔知係咪咁寫), 佢仲有其實 product, 不過唔係咁啱我地~~ 買完藥油過咗隔離舖胡振隆睇下有冇咩嘢食買 D 返香港啦~~ 因為我屋企人勁鍾意食嘢, 今次除咗麵之外都冇咩食得嘅嘢買返去~~ 肉乾我地就唔買啦, 因為覺得冇乜特別, 反而買咗 D 糖, 有山竹糖, 荳蔻糖, 陳皮梅糖, 仲買咗樽用黎送粥送麵嘅蒜蓉蝦米, 另外仲買咗一包檸檬魷魚同一磚馬拉盞~~ 執下執下又買咗咁多嘢~~ 哈哈~~ 買完嘢我地行返去搭地鐵過 East Coast, 其實嗰區好似冇乜特別嘢行, 不過我地見到書仔介紹有幾間食嘢嘅都喺嗰邊, 我地就諗住去試下啦~~ 我地搭地鐵去到 Eunos 站, 轉的士特登搵間叫 “老福源記肉骨茶”, 去到新加坡應該要 try try 架嘛, 點知去到嗰度, 好似好荒蕪咁嘅….. 我地就咁叫咗一碗肉骨茶….. 我覺得…. 唔係嗰回事………. 嗰碗嘢我只可以話佢係胡椒肉骨味精湯, 唔駛再講都明晒係咩味啦…. 失望呀!!!! 之後就諗住搵一間叫 “ Chilli Padi Nonya Family Restaurant” 嘅店, 食榴槤冰~~ 我地睇書仔個地圖好似應該都行到去嗰條街, 於是就試下行啦~~ 今日同前兩日一樣, 都係咁曬…. 一路行, 成日都見到有間 Hotel 81, 仲見到好多卡拉 ok, 酒廊酒吧嗰類舖, 莫非喱度係香港嘅油麻地? 唔怪得日光日白條街都冇人啦, 全部都係夜店…. 嗰間 Hotel 81, 應該都係連鎖時鐘酒店喇掛?!……. 行咗好大段路, 終於俾我地搵到嗰間餐廳喇~~ 我地叫咗一個榴槤冰, 一個山竹青檸冰, 好味啊~~ 山竹青檸冰好好味呀~~~ 反而榴槤冰冇佢咁正~~ 點擊圖片放大 +2 甜品又食完喇~~ 下一站榴槤街, 試下即開即喺街邊食榴槤先!! 我地0係 Chilli Padi 嗰間餐廳走, 又諗住睇下可唔可以行去地鐵站啦~~ 一路沿住嗰條街行, 方向就應該啱, 但行來行去都見唔到地鐵站, 我地兩個已經行到成日濕晒, 想放棄搭的士, 又同之前一樣, 截唔到….. 於是唯有繼續行, 行行下問個女人, 佢話地鐵站就係前面轉左, 終於見到喇……….. 熱死人喇!!!!!!!! 去喱區簡直係一個錯誤呀!!!!!!!!!!!! 我地帶住一身嘅汗臭, 由 Eunos 站搭兩個站去Aljunied 站, 去搵榴槤街~~ 家姐睇錯書仔話搭的士 5 分鐘, 好在例牌搵唔到的士搭咋, 原來係步行 5 分鐘呀~~~~ 搵咗一陣, 原來近在眼前, 真係好近個站架咋~~ 但同 “日日有食神” 影出黎嗰條榴槤街點解差咁遠0嘅....???? 個樣完全唔同, 嗰度得幾間榴槤咋喎, 人地係成條街喎………. 唉, 好失望……….. 不過都黎到咯, 都試下喱度 D 榴槤啦~~ 舖頭 D 員工幫我地揀咗隻細嘅 D-24, 嘩, 真係好正啊~~~ 勁臭呀~~ 同埋真係好細隻, 數埋得 4 舊肉架咋~~ 咁都好, 我地得兩個人都食唔到咁多~~ 總算個榴槤冇令我地失望啦~~~ 點擊圖片放大 +2 連榴槤都食埋, 我地就去最後一個我地要去嘅區, Kampong Glam & Arab Street~~ 一出站就人山人海呀~~ 係咁多日以黎見得最多人嘅一人~~ 過咗個商場, 我地就見到稱為香港女人街嘅 Bugis Street 喇~~ 入面多數賣嘅都係 D 平 D 嘅衫同鞋, 由於我地目的並唔係行街買衫, 所以我地行咗兩條行就出返去, 搵我地最最最後要搵嘅地方, 就係一間印度香水小店~~ 嗰間店離 Bugis Street 唔算好遠, 我地行咗幾個字就搵到喇~~ 途中仲經過一條專賣印度衫同印度巾嘅街 tim~~ Jamal Kazura Aromatics (嗰間香水店) 有好多香水放喺度任你聞, 仲可以俾你溝味tim~~ 但我同家姐都揀到啱心水嘅味, 唔駛溝都覺得好香呀~~ 20ml 香水原價 SGD 20, 但我地 total買0左 5 枝, 佢一共收到地 SGD 80, 足足平咗一枝俾我地架~~ 仲俾咗幾枝香水版我地 tim~~~ 店員問我地知唔知邊個係 Maria, 話係 singer, 原來佢講嘅係 Maria Cordero (肥媽) 呀~~ 佢話 Maria 半年前左右喺佢地店度拍嘢, 仲買咗好多香水tim~~ 仲問咗我地幾次佢叫 Maria 咩話? 話想記住佢個全名喎~~ 哈哈~~~ 點擊圖片放大 +2 買完香水, 新加坡之旅已經接近尾聲, 我地搭的士返酒店, 幫我地拎返行李出黎嗰個 staff 好好咁話我地知可以上去酒店嘅 6 樓 (冇記錯好似係), 嗰度有 changing room, 可以去沖個涼換件衫, 非常好~~ 我地就係想換件衫, 因為太臭喇個身~~ 仲要放返 D 嘢入喼，執好晒嘢, 搭的士去機場~ 都唔駛半個鐘, 同埋唔貴, 咁梗係舒服 D 好啦~~~ 去到機場, 受朋友指明一定要買斑蘭蛋糕, 一去到寄咗行李就見到喇~~~ 成間舖滿晒人呀~~ 不過又真係幾好味嘅~~~ 買嘢一大袋, 身上仲有 D 新加坡紙, 入咗境之後買埋嘢等上機~~~ 成個旅程咁就完咗喇~~ 新加坡都幾好丫, 又多嘢食~~ 我地喱三日兩夜都好充實, 完全冇悶嘅時間, 不過最衰就係本書仔唔夠 update, 我建議大家唔好用喱本喇….. 唉~~~ (紅紅地色, 星島出版, 自由通系列嘅下一站新加坡, 有膠套架!!) 最開心就係喺聖淘沙, 嗰度真係一個好好嘅旅遊地方~~ 去新加坡必去聖淘沙呀!!! 仲有斑蘭蛋糕, 沙嗲串燒, 榴槤pancake 都係必食!! 正呀!!! ... END ...
