10 Apr 2009... Rome & Vatican City B&B Oasi 張床實在太好瞓喇~~~ 兩晚都瞓得好"淋"啊 ~~ 今朝都"賴"咗好耐床啊~~ 食早餐嘅時候見到 “Olga 老公” (後來先知原來唔係…. hahahaaaa…), 佢拎咗兩件 cake 俾我地, 話係 Olga 親手整架!! 都幾好味喎~~ 又係晨早食甜嘢….. hahaaa 今日要去嘅地方係, 梵諦岡!!! 搭 metro 去到 Ottaviano 站, 之後行一段路去到聖彼得廣場, 嘩!! 好勁呀!!! 個廣場好靚, 我地去到嘅時侯已經好好好好多人喇!! 聖彼得廣場係一個圓型咁樣, 圍住嘅都係好高嘅圓柱, 而上面有好多唔同造型嘅雕像, 書仔話係 140尊聖人像~~ 見都 D 人圍住廣場邊行, 應該係排隊入聖彼得大教堂, 我地當然快 D 搵龍尾啦, 嘩!! 差唔多兜廣場一個圈, 幾厲害呀!! 條隊其實都郁得好快, 但就係有好多人打尖囉!!! 一家大細, 扮晒嘢咁行喺你隔離, 我地當然唔會縱容佢, 已經特登勁講: "line up", 佢地周圍望, 扮聽唔到, 繼續行喺你隔離, 我地唔理咁多, 跟返前面個人, 連我地後面對外國人夫婦都即刻跟貼我地唔俾佢 "zip" 位, 但後面 D 人冇再出聲, 始終都俾佢地成功打尖!! too bad!!!! 簡直教壞 D 仔女!!! 唔止佢地一家人, 之後都有人係咁打尖, 打尖喱樣嘢原來係國際化架..... 點擊圖片放大 +13 終於排到去入口喇~~ 原來係免費入場架~~ 要過 security check, 好似好嚴呀, 好多人連皮帶都要除~~ 入到去大教堂!!! 嘩!!!! 好靚呀!!!!!!!! Emily 本身係天主教徒, 佢嘅感受應該俾我更深!! 就算我唔係, 但我去到嗰度都覺得好莊嚴, 有一種好有威嚴嘅感覺~ 每一條柱, 每一個角落都好精緻, 有好多好靚嘅雕塑, 教堂頂亦全部雕晒花, 真係好靚啊~~ 教堂好大, 係勁大, 我地慢慢順人潮咁行咗一個圈都差唔多行咗成個鐘, 影相都影到手軟~~ 簡直可以整個聖彼得大教堂特集呀!!! 點擊圖片放大 +12 行完聖彼得大教堂, 真係有 D 攰….. 去咗個免費廁所之後, 我地就沿住和解大道行去聖天使城!! 中途因為 Emily 肚餓, 所以入咗一間小店食咗件三文治, 我亦都承機坐下啦~~ 去到聖天使城喇~~ 聖天使橋就喺城嘅正門申到對面岸, 橋上面有好多唔同造型嘅天使~ 聖天使城入場費要 Euro 8.5, 好貴啊 !!!!!!! 入到去, 好似 D 城堡咁, 入面好暗~ 上到去有 D 室做緊展覽, 而外面就有好多窿可以睇到出面嘅景色, 都好靚啊~~~ 再行到最頂, 又係一個高嘅地方俾你睇晒羅馬景, 個景係幾靚, 加上今日天氣好好, 但如果俾 Euro 8.5 就好似有 D 唔係咁值……. 點擊圖片放大 +20 去完梵諦岡, 我地就行去納佛那廣場, 其實今日都真係幾攰, 因為基本上所有嘢都唔近 metro, 所以係咁行行行!!! 可能因為大家都攰, 加上又曬, 所以去到廣場都唔係咁起勁~~ 納佛那廣場又有個大水池, 好攪笑, 水池 D 雕像企咗好多雀仔喺度, 企晒喺佢地 D 頭同膊頭~~ 我地坐喺水池邊抖咗陣, 就再周圍行下, 嗰度好多人喺度賣畫, 都畫得真係幾靚架~~ 成個廣場都係~~ 而圍住廣場就有好多露天嘅餐廳, 我都有 D 肚餓喇~ 本身諗住搵間餐廳坐低食少少嘢, 點知嗰度 D 餐廳都偏貴, 所以最終都只係食咗件三文治~~ 點擊圖片放大 +9 行返去搭地鐵之前, 我地見書仔寫住附近有 post office, 於是我地搵埋記埋 post card 先, 嗰間 post office 好大好有規模咁, 我地見人地要"禁“飛仔, 我地又唔知就咁買郵票駛唔駛喎~~ 喺好迷網之際, 有個好心嘅女人拍我地出門口”禁”飛, 出到門口對住部"禁"飛嘅機, 有好多個制, 應該係分類, 但我地完全唔知佢寫咩, 問個男人, 佢好好人咁幫我地睇, 但佢個樣仲迷茫過我地….. 我地唯有是但"禁"一個啦!! 當然, 行到埋去 counter 就買到 stamp 啦!! 之後我地就搭 metro 返 hostel 喇~~ 喺行返 hostel 嘅途中, 見到有間賣熟食嘅舖頭個櫥窗度見到一隻隻轉緊嘅燒雞, 寫住 Euro 6 一隻 (take away), 嘩, 好似好好味喎!!! 我地話不如買隻返 hostel "齒"囉!!! 大家都話" 好呀好呀!!!"~~ 之後去埋間 mini-supermarket 買大水, 嘩, 啱啱剩返兩枝特價, Euro 0.17 (1.5L) 咋!!!! 係我地成個 trip 見過最平嘅水呀!!!!! 梗係買啦!!! 返到 hostel 我地就開始食我地嘅燒雞, 仲暖架!! 好味喎!!!! 我地一忽忽咁用手"meet" 黎食, 勁正呀!!! 嗰兩枝水原來係有汽架~ 但冇所謂啦~~ 我地仲加埋自己帶去嘅夏桑菊落去, 變成自製夏桑菊味汽水 tim!! wahahahaaa 點擊圖片放大 今日有兩個香港嘅朋友亦會到步羅馬, 佢地亦會同我地一樣住喺 B&B Oasi, 晏晝嗰陣用 sms 聯絡過, 知佢地 2 點幾會到, 我地亦講咗佢知住邊間房, 但點解咁耐都未有佢地嘅消息呢?!? 我地有問過 Olga: "our friend, from Hong Kong, one boy, one girl", 但佢答我地 "NO", 唔通仲未到??????? 我再 send sms 俾倫哥問佢喺邊, 原來佢地啱啱返咗黎, 就係咁, 相約咗佢喺樓下見!! 原來佢地住 3 樓 (我地住 4 樓), 上佢間房參觀過, 佢地住嗰層應該係新整架~ D 裝修都新淨 D, 走廊燈仲係感應架 tim~~ (我地嗰層要自己”禁”制, 約干時間後會自動熄), 之後佢地又上黎我地間房參觀, 就係咁傾下傾下都攪到 12 點幾先瞓~~ 聽朝約咗一齊食早餐呀~~ 之後一齊去圓形競技場!!!
