星期六早上,多得婆婆幫手照顧寶貝女,媽媽可以有少少時間做吓工作以外嘅嘢,俾自己一個ME time。 其實以前一直都冇咁嘅安排架,但自從上年九月,寶貝女升咗小一開始,媽媽日日收工都趕住番屋企陪吓個女,有時又要check功課,有時又要溫書,點捨得再遲多一個鐘先番到屋企呢?所以原本媽媽星期二收工去學琴,就改咗做星期六嘅早上~ 日子耐咗,我發覺,原來都幾好架喎,終於有一個半晝,可以為咗自己而扮靚靚出街,一個人去做自己喜歡嘅事情,感覺真係幾輕鬆,對住寶貝女曳嘅時候都冇咁燥 :p 再者,為自己嘅興趣而努力,都算係一種身教呀,真係一舉兩得架。哈哈~ ~希晴媽媽與寶貝女~facebook連結