媽媽成日都話俾朋友聽,好喜歡寶貝女呢間學校,慢慢適應,唔急進,開學至今,中文默書仍然係默緊詞語,媽媽好放心,可以放手俾佢慢慢搵一個適合自己嘅溫習方法。 今次媽媽真係好開心呀,除咗一放工番屋企見到寶貝女溫緊書之外,更重要嘅係,佢講到俾我知點溫先係最入腦。 1。寫三次 第一次抄,第二次試背寫,第三次再確定一下。最開心嘅係佢知道唔係溫完就算,佢亦知道要肯定自己記得,從佢口中聽出以上嘅解釋,媽媽覺得寧舍有說服力 ^_^ 2。難字要拆開記 好似個"響"字,佢清楚自己唔係好熟,就話我知點間開個字分開嚟記。呢個方法好有可能係老師上堂教過,用得著都唔錯呀 ! 讀書方法其實有好多,但係如果父母能夠作出適當嘅引導,再令小朋友自己諗方法,呢個方法一定更有效,更會好好記住啦! ~希晴媽媽與寶貝女~facebook連結