原來"小兵快樂讀本"呢個系列,用嚟做橋樑書都唔錯喎,大約60頁嘅內容,故事長短適中,角色都好有趣,今晚同寶貝女讀咗呢一本"颱風的生日禮物"。 為咗提高寶貝女嘅興趣,媽媽揀書通常都揀啲可愛而且感性嘅內容,所以佢今晚真係聽得好投入,去到中段仲話想喊添呀! 故事講"難過颱風"吹襲,令小安安好失望,因為過多一日就係媽咪嘅生日,佢哋準備咗生日會慶祝呀~ 小安安不斷禱告,希望唔好打風啦,"難過颱風"聽到小安安嘅嘆息,勾起佢兒時嘅傷心事~ (冇錯,颱風都有細個嘅時候)。 結局就唔講住嘞! 呢個系列嘅書另一個好處,就係故事完咗之後會有幾個討論嘅題目,引導小朋友同家長一齊思考吓同內容有關嘅事,有有效令小朋友將故事同現實生活連結番,現實啲講,其實係教緊佢哋做閱讀理解架! 如果大家有其他唔錯嘅橋樑書介紹,記得留言分享吓呀! ~希晴媽媽與寶貝女~facebook連結