雖然已經7歲,呢個睡前小故事嘅習慣似乎仲keep得幾好。 小時候嘅寶貝女,每晚刷牙之後,都會揀幾本故事書叫媽媽讀,坐喺媽媽大肶,我哋一邊講圖畫,一邊讀內容。為咗小朋友可以專注啲,媽媽會用手指或者公仔,讀到邊指到邊。要增加趣味性呢,媽媽仲會聲演故事人物添!每次見寶貝女好投入去聽,呢個媽媽就好似表演者喺台上聽到觀眾嘅掌聲一樣,好滿足。 寶貝女慢慢長大,睇書睇得快咗,但係讀故事好難好快架嘛,有時佢就會嫌我讀得慢,寧願自己讀,不過媽媽都會坐喺佢旁邊,陪吓佢,等佢同我分享故事內容,又望吓佢睇到好投入嘅表情,真係好可愛架 (希晴爸爸成日話我賣花) 要番工嘅媽媽,特別享受呢段親子時間,安安靜靜,不受任何騷擾,一齊喺書本入面尋找樂趣,又可以培養閱讀習慣,真係一舉兩得架! ~希晴媽媽與寶貝女~facebook連結