今朝一早就有人send咗lee張相俾我睇，我相信大家都睇過，因為互聯網嘅力量真係好強大，下午嘅時候連蘋果facebook都出埋，可想而知lee件事有幾大回響。 先唔估計lee一問一答究竟係真實定係虛構，我相信的確會有lee種家長存在。 其實，lee個媽媽真係用心良苦，如果佢自己搞得掂個問題，又點會尋求其他人幫忙呢？試諗吓，如果自己嘅仔女，成日都好似嗰班小朋友咁，花大量嘅時間排隊同玩lee個遊戲機，而做媽咪嘅又束手無策，我諗聯聨絡百貨公司俾少少建議佢，都已經係冇辦法之中嘅辦法。（不過我真係見過有啲父母同小朋友一齊對lee啲遊戲好著迷，仲會專登喺日本訂嗰啲閃石番黎添！） 好可惜，商家始終係商家，佢嘅回覆已經話咗俾你聽「搵錢好緊要」，清脆利落咁將個波踢番俾個媽咪，仲要技術性擊倒個阿媽，教番佢：教仔嘅嘢都係靠自己，唔好靠人喇！ 啱！就係唔應該靠人！ 其實，lee件事只係一個極端例子，唔通喺其他事上面，我哋真係冇倚賴過其他人咩？被動地拎走小朋友身邊會影響佢嘅嘢，諗住佢就會專心？例如買少啲零食啦、做功課嘅時候唔好放玩具喺旁邊啦．．． 在職媽媽最重要教小朋友嘅一件事，就係要做個懂得自理、懂自制、自我負責任嘅小朋友，平日番工嗰陣，唔喺小朋友身邊，真係提唔到咁多，但係所有事情，包括頭暈身慶、跌損撞偒、測驗考試唔合格、誤交損友等等，其實都會搵到出自自己嘅原因，反正遲早阿媽或者任何一個照顧者都唔會喺身邊，遲早都係要照顧自己，點解唔而家早早教好小朋友獨立處事，明白後果？ lee個真係一個好長遠嘅目標，而且真係要好好堅持，多多提醒自己先得！ 又係嗰句啦：生命工程lee家嘢，真係有排學架！ 以下lee度都搵到我同寶貝女架！ Email: charlotte_chy@hotmail.com MyBB: charlottechy U Blog: Courtney媽湊女日誌
