喺網路上睇到一個幾有趣嘅著名心理學實驗，係關於自控能力嘅： 全文可以參考lee個網址：延遲欲望滿足（節錄自廿四孝父母） 「讓十名孩子，單獨呆在一個房間裡。房間的桌子上擺著孩子愛吃的糖果。研究人員告訴孩子，可以選擇立刻吃掉糖果，也可以等研究人員回來再吃，這樣就可以再得到一顆糖果為獎勵。實驗結果是，三分之二的孩子不到三分鐘就放棄了堅持，把糖吃掉了。其餘的孩子則等到研究人員回來兌現承諾，整個過程大約15分鐘。 實驗並未到此結束。研究人員繼續對當年的實驗參加者進行跟蹤研究，直到他們35歲以後。研究表明，當年不能等待的孩子，成年後有更高的體重指數，並更容易有問題行為。相反，願意等待的孩子長大後，生活品質更高。」 小朋友真係冇乜自制能力，玩、食糖、食零食等等，全部都由媽咪嗲哋幫佢哋限制晒，仲要加埋三番四次嘅提醒。好似去公園玩咁，成日都總會聽到啲媽咪講：「玩多三分鐘咋」，到咗三分鐘之後，有幾多小朋友會即刻肯走？又有幾多小朋友唔駛媽咪作出任何限制，自己知道玩夠就走？ 我同寶貝女做咗一個類似嘅試驗。 琴晚我番到屋企，寶貝女急住話想食啫喱仔，仲話同媽咪一人一粒。我話：「但係我未食飯喎，不如你等埋我一齊先食啦，如果你等埋我，我請你食多一粒呀？」結果出乎意料，寶貝女話：「好呀，我等你食完飯先啦，不過我一粒就夠架喇！」 Lee個實驗的研究人員指出：「孩子們自我控制的能力其實是可以培養的。」 我哋做父母嘅，可以點鼓勵小朋友等待同自我控制？又點可以令佢明白等待同自我控制係有價值嘅呢？ 我諗，首先係，當小朋友要某一樣嘢嘅時候，如果唔係急切需要嘅，都唔駛即刻俾佢嘅。 例如：ipad！好多時，明明大人用緊，小朋友一開聲話要就個個都會即刻俾佢，究竟lee個係咪我哋想要嘅效果？ 又例如：小朋友肚餓，我哋係唔係會唔理咩原因，即刻俾嘢佢食呢？ 可能end up我哋會發現，原來都係講緊父母嘅原則問題。寶貝女而家有基本嘅自制，希望佢越大會越明白，佢嘅等待同自制，係有價值架啦！
