Oh Christmas tree Oh Christmas tree… Jingle bells Jingle bells Jingle all the way… 到處都充滿咗聖誕氣氛，聖誕樹、聖誕鐘、聖誕表演、聖誕party… 小時候嘅我，好渴望屋企有棵聖誕樹，會閃閃吓著燈嗰隻，可惜家境唔太好，而且爸爸都唔鐘意駛lee啲錢，所以擁有一棵聖誕樹，一直都係一個夢想。 而家當然唔同啦，經濟環境又好過以前，寶貝女變咗我一個最大嘅藉口去滿足我lee個兒時心願，所以兩年前嘅聖誕節，我哋已經買咗棵聖誕樹，寶貝女未到12月已經提醒媽咪要拎出黎喇！ 踏入12月，我哋就一齊裝飾聖誕樹啦！ 有小小嘅聖誕鐘、聖誕波，每一個裝飾都係由寶貝女親手放上去，開頭都有啲難架，因為有啲繩比較粗，kick唔住啲樹葉，媽咪幫吓手，試試下又ok囉！ 放埋上窗台，Yeah！完成！ 自開始有lee棵聖誕樹開始，每年set up咗之後，當然要幫寶貝女同聖誕樹影番張相啦！著燈先．．． 哈哈！棵聖誕樹越黎越細喇！寶貝女越黎越高，越黎越瘦，少咗啲可愛feel，多咗成少女味道，真係女大十八變！ 媽媽愛你哦!!
