等咗咁耐，寶貝女終於等到可以換牙刷嘅時候喇！ 點解咁期待？開始用lee支Barbie牙刷嘅時候，其實發生咗件小事。 lee支Barbie牙刷係唔知買咩嘅贈品，所以牙刷上嘅圖案，並唔係我哋自己揀嘅。所以，寶貝女一見到就話：「媽咪，我唔鐘意Barbie架喎，我鐘意公主架嘛！不如你買過一支新嘅俾我啦！」 雖然媽咪都好鐘意公主，但係「節儉」lee種美德我都想要堅持，我即時諗到嘅回應係： 「但係支牙刷都係新架喎，唔用就掉咗佢咪好浪費囉？不如你試吓扮刷牙！（跟住寶貝女就拎住支牙刷扮刷）你睇吓？！你揸住嘅時候睇唔睇到Barbie？」 「睇唔到喎！」 「咪係囉！其實係咩公仔又有咩所謂呢！牙刷最緊要，係刷牙刷得乾淨呀嘛！如果下次要換牙刷，我先再同你去揀啦好冇？」 「好呀！」（開心笑住講架！） 我嘅解釋同藉口，我諗番都有少少流，寶貝女大個啲嘅話一定駁到，但係lee個年紀嘅佢，咁易話為，咁肯聽我講道理，我好肯定係我嘅心機儲番黎架！ 著名親子書作者汪培珽早兩日喺facebook提到： 我更加相信，我嘅耐性同努力係唔會白費架！各位爸爸媽咪要繼續加油呀！
