上星期去郵輪假期，寶貝女著咗對佢超鐘意嘅閃閃令平底鞋去，點知一上到船就同媽咪講：「媽咪，對鞋有少少迫呀！」我心諗：「吓？唔係掛！？lee對鞋著咗4個月咋喎，腳仔真係大得咁快？我已經買大咗架喇喎！」冇法，就係咁，嗰對鞋就完成咗佢嘅任務，我哋就冇再帶佢番屋企lu... 仲有個幾禮拜就開學，最擔心當然係對番學嘅黑鞋，果然真係唔啱著喇，又係得幾個月貨仔咋。之前，我同好多媽咪一樣，都係去Dr. K買番學鞋，貪佢分店多，又好似幾舒服。早幾日去睇，嘩！唔係掛！一對小朋友番學鞋要四百幾？會員都要三百尾？唔多合理喎，即刻一家三口調頭走。 一向都有喺next direct網店買嘢我，其實都有諗過喺度買番學鞋，剛剛DUM咗嘅嗰對閃閃令平底鞋，都係next direct買架，lee個暑假寶貝女差唔多日日著，一睇就知舒服啦，小朋友lee啲嘢冇得呃架嘛，所以我覺得值得一試，一對黑鞋都唔駛300蚊（價錢比香港next嘅門市平好多架），好多款揀，仲要免運費，4-5日就到，正呀！ 好經典嘅幼稚園校服配黑皮鞋 唉。。。購物狂媽媽，點會買一對鞋就收手呀，何況寶貝女又冇咗對閃閃令鞋，一定要買番，順便入多兩條裙仔啦！咁啱，lee對鞋同lee兩條裙，全部都係$138，唔算超平，但係質量好，lee個價錢絕對合理。 寶貝女一見到條粉紅色公主裙，開心到不停咁多謝媽咪呀 自從買咗第一次之後，我就愛上咗lee間嘢，我仲試過買一pack 38蚊5對白襪仔添（已經加到45蚊喇）！唔知我仲會駛幾多錢喺lee間嘢度呢？
