媽咪鐘意讀故事，寶貝女又愛聽故事喎，既然係咁，我就透過故事書，講我想寶貝女知嘅信息同道理俾佢聽，「父母嘅愛」lee啲topic梗係唔少得啦！ 點擊圖片放大 lee本書叫做「Guess How Much I Love You」，講述一隻小野兔想話俾佢媽咪聽佢有幾愛媽咪，佢就用咗不同嘅方法嚟表示，好似「I love you as high as I can reach」，一邊舉高雙手，一邊話俾媽咪知：「我愛你有咁多架！」；當然，媽咪都要話番俾小野兔知佢有幾愛小野兔啦，媽咪用同一個方法，雙手舉到好高，話：「I love you as high as I can reach」，小野兔覺得，係喎，媽咪嘅愛，真係好高喎！最尾，小野兔點可以說服到媽咪呢？ 我鐘意lee本書，個topic當然好緊要，因為有關父母對小朋友嘅愛，有時真係好難表達，但係藉住故事書入面嘅小動物對媽咪嘅愛，我就可以話到俾寶貝女聽，父母同子女間都有愛，係一件好自然嘅事，連小動物都有，更何況我哋呢？ 再者，我之嘅日誌都講過，要吸引小朋友聽故事，要大動作啲，lee個故事，已經教咗我哋要做咩動作喇，同寶貝女一齊做「as high as I can reach」、「as wide as I can reach」，真係好好玩，佢亦都會好投入。 揀啲小朋友啱睇嘅書，真係要花啲時間架，所以多啲分享，又多啲睇人哋嘅分享，好快就搵啱自己嘅方向。
