講故事會唔會講到悶？梗係唔會啦！媽咪除咗可以配合動作，講故事仲可以玩小遊戲架嘛！我同寶貝女會玩嘅其中一個小遊戲，就係將寶貝女變成故事入面的主角，小朋友好興奮架！ Sesame Street系列有一個故事叫做「Grover learns to read」，講述一個男仔Grover好怕識讀書之後，媽咪就唔再讀書俾佢聽，所以就算佢喺學校學咗幾多字都好，佢番到屋企都會話俾媽咪聽佢冇學過，但係經過一次Grover同一個朋友嘅妹妹讀故事嘅經驗，加埋媽咪嘅安慰解釋，最尾Grover當然好開心繼續故事啦！ 喺lee個故事入面，我哋將寶貝女變咗主角Grover，書本入面凡係讀Grover嘅地方，都變成Courtney，佢讀一頁，我讀一頁，每次讀自己個名，寶貝女都超開心；讀讀吓媽咪就發覺，咦？原來寶貝女留意到Grover係男仔，Courtney係女仔喎，佢已經自動將Grover嘅he said變做she said，his mother變做her mother，him變做her，媽咪第一次同佢玩lee個遊戲嘅時候，真係開心到彈起！ 講真，真係冇好似「he係男仔，she係女仔」咁教過，我只可以估計，佢係喺讀故書中聽慣、睇慣咗，4年來無間斷嘅讀故事，效果終於慢慢咁走出黎喇！
