星期日有時爸爸都要番工，媽咪就要負責帶寶貝女周圍去，圖書館就係其中一個我地兩個都鐘意去嘅地方，而南葵涌公共圖書館係我哋去得比較多嘅其中一間。 講真，有邊個唔鐘意啲書放得整整齊齊？南葵涌公共圖書館嘅館理員除咗會認真地跟編碼放番啲書上書架之外，佢仲會將同系列嘅書放埋一齊，啱晒我lee啲成個系列睇嘅媽咪。好似 Mr. Men & Little Miss 嗰個系列咁，佢啲書多到可以放晒書架嘅其中一格，寶貝女次次都係睇咗lee個系列先，一次過揀幾本之後就坐埋一邊叫媽咪讀；有時佢會自己睇一陣先，媽咪就可以 喺旁邊揀下繪本，啲書 keep 得幾新淨架，只要肯俾啲心機搵，一定唔愁搵到好書借番屋企架。 在職媽媽既然要交稅，當然要善用下社區資源，除咗去圖書館睇書，琴日寶貝女仲參加咗兒童故事時間。兒童故事 時間由葵青區議會贊助，請咗一位有經驗嘅導師同小朋友講故事，講完故事仲會同小朋友做手工；好可惜個活動家長冇份參與，我只好喺活動室外面睇住書等佢啦！ 一個鐘頭好快就過，見到佢同其他小朋友好開心咁拎住佢哋嘅勞作走出黎，我相信lee個活動都搞得唔錯，寶貝女仲話下次都要去添呀！ 兒童故事時間嘅故事主題，張貼咗喺圖書館門外嘅報告板同兒童圖書館嘅門口 寶貝女拎住佢今日整嘅＂螃蟹＂，幾招積！
