準時.出發.感恩 由於早前札幌地震,令自己的如意算盤打不響,最後要順延日本的行程,經由台北回港,比原定時間遲了一日,亦因此將今次的旅程改後五日。 原定去多哈及阿塞拜疆的行程亦因此而取消,改由經多哈轉機飛抵提比里斯。 因此,要補足原機票的價錢,足夠買多一套機票。 適逢又遇上颳風,感恩卡塔爾航空將去多哈的航班提早一小時出發,才可以順利離港。 第一次見成個機場d 機都cancel,都真係幾恐怖~ 第一次坐Qatar,都幾舒服,而且飛機餐都幾得。 抵達多哈機場,面積比我想像中小,但最好的是機場是廿四小時營業。 仲比我發現到有日本威士忌賣。 點擊圖片放大 係機場等駁機既時間比原定時間多了一個鐘,hea 左3個鐘,真係由頭行到尾,又由尾行返轉頭都得,等等等,去提比里斯的機終於起飛了。 落機就即刻衝去入境,我用特區護照入境,入境時仲會問你攞份hard copy of e-visa。E-visa 傳送門 而提比里斯既機場真係好細,行李帶都係得兩條,個行李大堂一眼望晒,入境位都其實係下面張相見到少少。 在機場一出閘,就會有電訊商及多間兌換店,貨比三家,於機場唱少少現金,再去到市區才兌換其他用錢。 買電話卡要俾passport 登記。機場只有遊客plan,點都要俾佢賺既~ 呢間公司最平既plan 已經足夠用咁多日,30 里拉。 離開機場既方法得兩個,巴士或者的士, 巴士站係出境大樓前方,有個好細既電子板show 幾時會有車。如果係入境大樓一出去,要向右行,去到出境大樓前就會見到。我自己都搵左一陣先見到,而當然d 的士佬就係咁問你「taxi?」 的士佬一般開價至少廿五至三十里拉,但巴士只是0.5里拉,當然是坐巴士吧! 最好於機場內買少少野唱散紙幣,因為巴士上不設找續的。 上左巴士就久不久睇下風景,又睇下地圖,始終人生路不熟。但坐左一個鐘後,架巴士終於入到市中心。 我先頭以為架巴士既總站係 Liberty Square,只係掛住睇點樣行上去hostel,架巴士話咁快已經過左我要落既站!即刻襟鐘,係下個站落車,好在都唔係相隔好遠。事實架巴士既總站係 Station Square,即係火車站。真係有驚無險。 之後就一路望下個地圖 app,一邊行上去間 hostel。今次住的hostel在舊城區內,由巴士站行亦需要廿分鐘。仲要係上斜,都真係幾甘!下次要搵間冇咁高既先~ 而係 Liberty Square 搵路期間,有時要落 tunnel,有時都唔多安全 (好似),什至迷過路,最好都係係地面行會好 D。 終於抵達 Namaste Hostel,就放低行李外出食午餐。 去左 Samikitno Georgian Cuisine,第一樣就是當地的傳統食品,khinkali,個樣好像中國的小籠包,但個頂部是不會食的,因為是生的,而且要倒轉啜入面的湯汁。當然我第一次食,食法係完全錯晒既~ 飲品是 lemonade。 khinkali 食完就要搵下旅行社報當地團。Search 完都係去最近個間,費事行。 間野叫 Spirit of Georgia,大家可以去 google 下。book 左第一個 tour 睇下間agent 好唔好先,之後就坐地鐵去中央火車站買幾日後的火車票。 係提比里斯搭地鐵真係好平,每程一樣價錢,都是0.5里拉。但與其次次都買單程,佢地會好鼓勵你去買交通卡,而且亦都只可以買交通卡,你先可以搭到地鐵,張卡 deposit 係 2里拉。 一般既地鐵站都好深下,而成條線係蘇聯時期建成,都有d 舊。入閘拍卡,出閘唔駛拍! 另外,條條扶手電梯都好快下,仲快過香港個d。每個站都有一個signature 既display 裝置。 買左張交通卡記得要 keep 單,因為可以退返張卡錢,當然如果係錢多就冇所謂喇!而我張單搞搞下都唔見左,最後就帶足全程。 預備好晒聽日的行程就返去hostel hea 陣。Hostel 露台既view 都幾正! Hea 到夜晚再出去食飯。而我係呢度完全依靠 TripAdvisor 搵餐廳。 由hostel 行返落山,原本想去一間,點知佢已經話 full 左,就再去另一間見有位就即時坐低,Alani。本來想搵張細枱,但冇,我就一條友坐左張6人枱。最搞笑係後來因為都幾 full house,有個人仲黎搭枱。 今餐叫左一個湯再加一條鱒魚,味道幾好吧! 食飽就又行多一陣,再上山,返 hostel 休息。 是次坐 6 人 dorm,但頭幾晚是不 full的,之後幾日就 full house了。 廣東話:https://medium.com/@charismahon English: https://matchtraveller.wordpress.com/ 500px: https://500px.com/charismahon IG: https://www.instagram.com/charismajourney/ FB: https://www.facebook.com/CharismaJourney/