眾所週知，我去旅行大部份都係以自駕遊為主，因為始終有部車點都自由自在，唔使要趕巴士火車而要將就所有行程。歐洲雖然一般都係交通方便，但以上次喺挪威嘅經驗，有車好好多。 啱啱嘅七月頭我同我churchmates去歐洲玩，順便去我哋其中一個組員喺南法嘅家鄉。（冇錯，我哋有法籍組員㗎，而佢太太係華籍。）開頭嗰時各組員自選自由行嘅城市，之後就相約喺南法會合。咁法籍組員一家就出發「回家」啦，其他就分別去法蘭克福同巴黎。 而我呢，就特別揀咗一個比較少人逗留得耐嘅歐洲國家作為落腳點：盧森堡！ 盧森堡，作為世上唯一一個大公國（元首係大公爵），喺比利時、法國、同德國之間嘅內陸國家，有兩個香港咁大，或者大多倫多咁上下大。 以我所知，一般去歐洲玩，盧森堡唔會留太耐，同埋大部份都係陸路入去。根據申根公約，即係等同喺美加穿州過省咁樣行，唔使經海關。換言之，印都冇得打！ 但係如果經非申根公約國家入去（現時為止，由香港出發計，只有英國同土耳其），飛去盧森堡Findel機場，就一定打到印。所以盧森堡個出入境印係非常罕有！ 結果我第一個bucket list係喺我個護照上打盧森堡印，得咗。 彌足珍貴呀真係。 我諗好多人會問第二個問題：點解喺盧森堡租車？睇睇我部租車係點樣呢！ ...真係同香港車牌一樣喎！但係盧森堡係行左駕，咁埋可以做中港車？哈哈哈哈（特別鳴謝：Hertz租車提供Opel Zafira 1.4T） 香港一二牌福音：棍波呀！ 作為香港一二號棍波牌持有者，喺歐洲唔租棍波絕對係對唔住自己。由於之前喺挪威有棍波車變咗免費升級自動波嘅經驗，我同Hertz租車時用香港車牌連國際駕駛許可證，特別加多句部車必須係棍波車後（即使我租嘅組別已經係棍波），果然順利搞掂！ （謎之聲：我懷疑租車公司一見你美加車牌就應該覺得唔識揸棍波...） 今次酒店係選用Hilton旗下嘅DoubleTree，因為我之前喺美國出差時儲落嘅酒店積分終於派上用場！至起碼有水游同瞓得好，真係自由自在。 點擊圖片放大 DoubleTree by Hilton Luxembourg 12 Rue Jean Engling 1466 Luxembourg 電話：+352 43 781 check完in後就游一陣水舒展筋骨啦，之後就喺附近嘅細餐廳睇波食下午茶！呢個亦係感受當地人生活嘅最佳時機！ 到埗日(7/1)時係西班牙對東道主俄羅斯十六強賽事，咁啱有食客係俄羅斯籍！當時都係打和，都戥佢哋緊張㗎。 去到盧森堡就當然品嚐當地啤酒Battin啦 雖然餐廳都有其他酒水提供，但係簡單就好 下午茶餐（本身間餐廳做北歐式三文治） 去到踢十二碼，個個都好緊張啦 俄羅斯過關成功！ 店主準備點心同vodka同大家慶祝 飲～～～勝！ 脆包上加pate同酸瓜 SMØR+BRØD 8 Rue Jean Engling 1466 Luxembourg 電話：+352 27 28 22 70 睇完波行番酒店時都七點幾，仲未天黑！ 其他組員就準備喺香港出發，我就喺酒店準備寫功課（執筆時我而家仲讀緊遙距postgrad，九月尾正式讀完。） 後記： 盧森堡奉行三語政策，即係盧森堡文、法文、同德文為官方語言。我由入境、攞車、甚至酒店check-in，啲人都問我同一個問題：點解啲法文咁流利嘅？托賴，小六至中六喺加拿大讀法文真係冇浪費。所以呢次歐洲自駕遊我仲有一個角色，就係隨團翻譯啦。 仲有：好多當地盧森堡人、甚至法國人，知道我曾經喺多倫多住過後，不約以同地同我反映佢哋聽唔明魁北克法文；本人表示非常認同！XDDDD 下幾篇就慢慢介紹盧森堡有乜好地方行、睇、同食！ 臉書專頁：在此
