今次同嚟緊嘅posts都會係勁多相去睇，總算冇辜負各位網友嘅期望掛？哈哈！ 七點幾鐘總算瞓醒啦。本來諗住去搭火車去機場（注意：去機場要額外加120 SEK，可以喺售票機買），但去到就啱啱火車走咗！（好在冇買）所以就等多五分鐘就上另一班車去中央站，再轉機鐵啦。 赫爾辛基超早機到斯德哥爾摩，而太陽先叫做升咗冇耐 想買咖啡飲，但係忍吓手先 當旅伴們出嚟之後就帶佢哋搭機鐵入市中心，再係客戶服務中心同佢哋攞三日pass搭火車同地鐵。三日pass只需230 SEK。（注意：2017年加咗價，去到240 SEK。） 安頓好晒再食埋homestay所預備嘅早餐後，就開始第一日嘅行程啦。我哋先去古城(Gamla Stan)行一行。 地鐵站名就好明顯啦，但一落車就要搵個大廣場 (Stortorget)先。GPS校去諾貝爾博物館(Nobelmuseet)都帶到你去嘅。 再次提醒大家：斯德哥爾摩地鐵係左上右落，跟香港一樣㗎 古城嘅特色當然唔止係石板街咁簡單，而係啲建築係五顏六色之餘又簡潔，望落去好舒服，就算天氣寒冷（甚至落雪）都賞心悅目。 點擊圖片放大 不過如果想喺聖誕節前後去北歐要注意：平安夜同聖誕節正日大部份經典部份景點同博物館係閂咗㗎！瑞典一年一度嘅聖誕市場通常last day係12/23。結果... 不過咁，聖誕傳統食品都有開檔嘅。 特別介紹：香料酒(Glögg)同埋瑞典薑餅Pepparkaka。香料酒係將紅酒煮熱加香料而成。薑餅同北美食嘅稍為唔同：係薄啲㗎！ （話時話，小弟呢排戒緊酒，但睇杯嘢都煮熱咗，酒精都揮發咗大部份啦；為咗體驗北歐文化，照飲可也。） 最抵食緊係買大份啦，一份40 SEK，所有卡都收！（你試吓喺香港同小販買幾袋生果跟住話問佢收唔收卡，諗都唔使諗；但瑞典肯定得！我哋喺小額交易用卡嘅進度比唔上瑞典啦。） 認住呢幾間屋！大廣場地標之一嚟㗎 買完大量明信片再出去行吓時聽到啲新式indies嘢 聞歌起舞 行到晏晏地就入番去市中心啦，又去番文娛中心一帶。其實佢出面嘅大廣場叫做Sergels Torg，有條柱棟喺度嘅，不過我去嗰時就維修，冇得影。 點知我發現有棟樓宇上面之旗：加拿大國旗？（加瑞兩國友好之體現！）（喂） 諗過去宜家傢俬行㗎，不過由市中心出發都要半個鐘！又唔知有冇開，所以冇去。 食晏，慢慢嘆 兩樣嘢計埋都係90 SEK，其實都還可以 太陽三點幾就開始落山啦，再行下市中心嘅內街睇吓 右手邊係另一間老字號百貨公司Åhléns City 嗚呀！（後來發現：港鐵海外事務的確包括斯德哥爾摩地鐵同火車。難怪有莫名其妙嘅親切感。） 再入番去市中心火車站啦。規模比紐約Grand Central Station、甚至多倫多聯合總站細啲，但火車去到大部份瑞典各大城市。而火車站內，仲有一檔疑似聖誕市場嘅嘢開緊，原來係賣書嘅。 點擊圖片放大 地鐵站內其實係由山洞鑿開而成，夠哂raw 點擊圖片放大 皇帝公園站（真係直譯到㗎） 呢個站有多倫多地鐵博物館站嘅感覺 點擊圖片放大 +2 出咗站又係喺度hea行啦，但原來自己差唔多去到皇宮一帶 教堂做平安夜崇拜 斯德哥爾摩嘅Flatiron Building？ 歌劇院 皇宮外面 點擊圖片放大 水利工程一流 瑞典某大銀行總部？ 燦算啦之華人劇院！？ 兜兜轉轉都行番去市中心啦，不過唔係T Centralen站，而係電車總站外面嘅廣場 點擊圖片放大 噢聖誕節托它歸家 我阿媽話幾貴㗎 好啦，終於嚟到戲肉啦。平安夜梗係要食餐好嘅。瑞典人傳統有食聖誕大餐julbord（讀：yule-board）嘅習慣，通常都係自助餐形式為主，由凍食開始慢慢去到熱食，最後甜品結束。每碟前後嚟一啲酒水嘅，不過因為我戒緊酒同埋驚開咗後張單好貴，所以冇跟。 不過咁，我查開唔同餐廳，大多數12/23最後一日，點知搵到酒店12/24有做julbord！但係呢，booking嘅網站得瑞典文！咁我諗啱哂啦，唔係為旅客而tone down，照訂。但係亦係最貴：每人975 SEK！（折合約147加幣） 人一世物一世，去馬！ 鍾意食海鮮嘅朋友：暴走吧！ 點擊圖片放大 +3 網主特別推介：醃喜靈魚，尤其係用芥辣醬醃製嘅（中間嗰個）加拿大宜家均有代售喔！ 忍吓口先啦 海鮮湯好濃郁 始終去到嘅都係當地人為主，有時見到有亞洲人面孔；咁我哋四個香港人去到呢都叫做「就住食」。點解咁講呢？香港人去歐洲一般都係英法德意西葡，但北歐就呢幾年興。鑒於食自助餐有時食滯咗，留下大量left overs，咁就唔好啦。都想俾北歐人一個好嘅印象嘅。 夜啦，番歸咯。順便介紹以下嘅正嘢，係瑞典傳統嘢嚟。 瑞典係算係以基督教立國嘅國家，雖然唔係個個都係基督徒（事先講明先），但係信咗定未信嘅都保留將臨期Advent嘅傳統習俗，喺屋企點燈。所以呢，就有呢個燭台啦。（如果番開傳統教會嘅網友，特別係信義會、禮賢會嗰啲，你哋一定明我講乜。崇拜有做㗎嘛！） 而隻馬呢，叫做Dala Horse (Dalahäst)，係瑞典傳統工藝品嚟。咁講真，瑞典唔單止有富豪、紳寶、宜家、H&M嘅。 God jul, Sverige. （讀：good yule, sveh-riuh）（瑞典，聖誕快樂。） 下一篇：斯德哥爾摩嘅聖誕節！期待嗎？ Facebook Page: 按此
