別呆著 似總覺得 樣樣像乏味 I Love You OK 趁五一勞動假合法蛇王之際，適逢「金句王」喺中環開音樂會，我諗係時候同大家分享我嘅旅行歌單啦。 自問自己唔係一個文青，加上朋輩呀、uncles aunties影響呢，我比較鍾意聽80s, 90s流行曲，以日系音樂為主力。無他嘅，當時有啲廣東歌都係JPOP改過嚟嘅。2000年打後就興euro pop（如果有睇頭文字D就明我講乜），揸車超好feel，但嗰時仲係小學雞升中。 所以我嘅旅行歌單，有時好老餅，但有時會好熱血！ 而去親旅行公幹呢，我係揸車嗰個，所以我個旅行歌單會分行街用同埋揸車用；揸車用再分高速航行用同舒適行車用。 行街用 一出酒店，搭巴士地鐵點都搵啲歌醒神吓嘅。今次亦順便介紹我喺哥倫比亞聽嘅西文歌啦，喺熱帶國家聽都幾啱feel㗎！ 陳百強 - 幾分鐘約會 張學友 - 太陽星辰 Alfredo Gutierrez - El Diario de un Crudo Armando Hernandez - Que Voy Hacer Sin Ti 黎明 - I Love You OK 黎明 - 我的親愛 揸車用（高速航行用） 呢啲歌基本上係上高速公路就用到，大都係euro beat之類。如果部車係棍波，仲好！（不過北美係冇棍波車租，唯有揸朋友車或自己車咯。） 鄭秀文 - 煞科 鄭伊健 - 極速 黎明 - 愈夜愈有機 黎明 - 聽身體唱歌 黎明 - 全日愛 Twins - 零四好玩 揸車用（舒適行車用） 呢啲歌就多數揸市區或者鄉村路。塞車照聽都得。 林子祥 - 街頭霸王榜 RubberBand - 遊車河 The Mamas & the Papas - California Dreamin' 胡琳 - 夏日傾情 胡琳 - 愛不完 山口百惠 - いい日旅立ち 咁你哋嘅旅行歌單係乜呢？不妨嚟臉書專頁留言話我知，等我都更新下都好喎！
